ខេត្តកំពង់ឆ្នាំង៖ បើតាមរបាយការណ៍របស់សមត្ថកិច្ចខេត្តកំពង់ឆ្នាំដែលអង្គភាពយើងទើបតែទទួលបាននៅព្រឹកថ្ងៃទី០៣ខែមករាឆ្នាំ២០២៣នេះថា, ក្រោមការបញ្ចាផ្ទាល់ពីលោក អុិត សុធា ព្រះរាជអាជ្ញាអមសាលាដំបូង ខេត្តកំពង់ឆ្នាំង កម្លាំងសមត្ថកិច្ចផ្នែករដ្ឋបាលជលផលផ្សារឆ្នាំង ដឹកនាំដោយលោក តាត សីហាក់ នាយផ្នែករដ្ឋវាលជលផលផ្សារឆ្នាំង ដឹកនាំកម្លាំងចុះបង្ក្រាប និងរុះរើលបប្រឺស ១០០ អស់ជាច្រើនខ្សែ កាលពីរសៀលថ្ងៃទី០២ ខែមករា ឆ្នាំ២០២៣ នេះ។
ការបង្ក្រាប និងចុះរុះរើលបប្រឺស១០០ ខាងលើនេះធ្វើឡើងនៅចំនុចក្បាលកោះក្របី ស្ថិតនៅក្នុងភូមិកោះក្របី សង្កាត់ផ្សារ ឆ្នាំង ក្រុងកំពង់ឆ្នាំង ។
ក្រោយការបង្ក្រាបនិងរុះរើលបប្រឹស
១០០នៅចំណុចខាងលើរួច វត្ថុតាងត្រូវបានសមត្ថកិច្ចផ្នែករដ្ឋបាលជលផល
យកទៅរក្សាទុក ដើម្បីចាត់ការបន្តតាមនីតិវិធី។
សូមបញ្ជាក់ផងដែរថា បើតាមប្រភពពីប្រជាពលរដ្ឋ បានឲ្យដឹងថា បទល្មើសលបប្រឺស១០០ ឬលបកន្ទុយកណ្តុរនេះគឺមានអ្នក នេសាទបីក្រុមមានគ្នាចំនួនប្រហែល ជា ១០នាក់ បានដាក់ពេញផ្ទៃទន្លេ ដោយក្នុង ម្នាក់ៗដាក់លបប្រឺស១០០នេះ មិនក្រោម១០០ខ្សែឡើយ ដែលចំនួនសរុប
នៃការដាក់ទាំងអស់មិនក្រោម១០០០ខ្សែនោះទេ។
ក្រុមអ្នកនេសាទល្មើសច្បាប់ទាំងនោះដាក់តាមខ្នើត និងរដូវកាលដែលកេដឹងថាត្រីចរាចរណ៍ឆ្លងកាត់ រួចសារទុក មាន
ឱកាសដល់ពេលត្រីត្រូវបាននាំគ្នាដាក់បន្ត ដូច្នេះទើបពេលសមត្ថកិច្ចចុះបង្ក្រាប និងរុះរើឃើញតែចំនួនតិចតួចប៉ុណ្ណោះ ។
ការនេសាទលបប្រើ១០០ គឺក្រុមអ្នក
នេសាទល្មើសច្បាប់ទាំងនោះដាក់ដល់បាតទន្លេ ដោយចងយុថ្កាជាមួយចុងសងខាងនៃលបប្រឺស១០០ រួចទម្លាក់ចូលទៅបាតទន្លេ ហើយផ្នែកខាងលើយកប៊ីដុងចងជាកុំសួលរាប់ពាន់ប៊ីដុងបណ្តែតព្រោងព្រាតលើផ្ទៃទឹកទន្លេ និងមានការប្រើប្រាស់ម៉ាស៊ីនខ្យល់មុជទឹក និងមានម៉ាស៊ីនអូសទាញសារលបក្នុង១លបៗ
គេអាចនេសាទបានពី១០០ ទៅ៣០០គីឡូក្រាម។
ប្រជានេសាទនៅតំបន់នោះមានការត្រេកអរ និងកោតសរសើរយ៉ាងខ្លាំងចំពោះចំណាត់ ការ និងការចេញបទ
បញ្ជាបង្ក្រាបបទល្មើសនេសាទលបប្រឺស១០០នាពេលនេះ ព្រោះការដាក់
លបប្រឺស១០០យ៉ាងច្រើនសន្ឋឹកកបែបនេះ វាមិនត្រឹមតែបំផ្លាញ ដល់ធនធានជលផល ប៉ុណ្ណោះទេ វាថែមទាំងធ្វើ
ឱឱ្យស្ទះ ចរាចរណ៍ផ្លូវទឹកទៀតផង៕
ដោយ៖ចន្ទ លីហ្សា
