ភ្នំពេញ៖ ជនសង្ស័យមានគ្នា២នាក់ប្រដាក់ដោយកាំភ្លើងខ្លីមិនចាំម៉ាក១ដើមបានធ្វើសកម្មភាពភ្ជុងប្លន់យកម៉ូតូហុងដាឌ្រីមស៊េរីឆ្នាំ២០១៦ ពីបុរសវ័យចំណាស់ម្នាក់បានសម្រេចទាំងព្រឹកព្រលឹមថ្ងៃទី៤ ខែមិថុនាឆ្នាំ២០១៦ ត្រង់ភូមិចំការឪឡឹក សង្កាត់កាកាប ខណ្ឌពោធិសែនជ័យ ។

ប្រភពពីសមត្ថកិច្ចឲ្យដឹងថា ជនរងគ្រោះមានឈ្មោះ គៀង ដែលមានមុខរបរជាចុងភៅនិងស្នាក់នៅភូមិឃុំកើរហេតុខាងលើ។ ជនរងគ្រោះបានរៀបរាប់ឲ្យដឹងថា មុនកើតហេតុរូបគាត់បានជិះម៉ូតូ១គ្រឿងម៉ាក Dream 2016 ពណ៌ខ្មៅ ស្លាកលេខ ភ្នំពេញ 1CI-6438 ចេញពីផ្ទះក្នុងគោលបំណងទៅផ្ទះថៅកែចុងភៅដែលមានទីតាំងនៅជិតកន្លែងកើតហេតុនោះដែរ ខណៈពេលជិះមកដល់ផ្ទះថៅកែ រួបគាត់បានភ្លេចថ្នាំលេបក៏ត្រឡប់មកយកថ្នាំវិញ លុះជិះចេញបានប្រហែលជា៥០០ម៉ែត្រក៏លេចមុខជនសង្ស័យមានគ្នា២នាក់ ជិះម៉ូតូធំ១គ្រឿង ប្រដាប់ដោយកាំភ្លើងខ្លី១ដើម មិនចាំម៉ាកបានធ្វើសកម្មភាពភ្ជង់គំរាមប្លន់យកម៉ូតូពីរួបគាត់ហើយជិះគេចខ្លួនបាត់ដោយសុវត្ថិភាព ។

ក្រោយពេលកើតហេតុជនរងគ្រោះបានត្រឹមទៅដាក់ពាក្យបណ្តឹងនៅប៉ុស្តិ៍រដ្ឋបាលកាកាបដើម្បីឲ្យសមត្ថកិច្ចជួយស្រាវជ្រាវតាមរយៈស្លាកលេខ៕

ដោយ៖ សុខាសែនជ័យ