ក្លិបបិសាចក្រហម Manchester United កំពុងពិភាក្សាជាមួយអ្នកចាំទី Jack Butland របស់ក្លិប Crystal Palace អំពីការផ្លាស់ប្តូរទៅកាន់ Old Trafford ។

 លោក Erik ten Hag អ្នកចាត់ការទូទៅរបស់ក្រុមបិសាចក្រហម Manchester United ត្រូវការអ្នកចាំទីដៃទី២សម្រាប់ David de Gea បន្ទាប់ពី Newcastle United កាត់បន្ថយរយៈពេលខ្ចីជើងរបស់ Martin Dubravka ខ្លី។

 Butland បាននៅជាមួយក្រុម Crystal Palace តាំងពីឆ្នាំ២០២០ ប៉ុន្តែបានបង្ហាញខ្លួននៅ Premier League ត្រឹមតែ១០ដងប៉ុណ្ណោះសម្រាប់ក្លិប ហើយមិនទាន់បានលេងនៅរដូវកាលនេះ។

 កិច្ចសន្យារបស់កីឡាករវ័យ២៩ឆ្នាំនៅ Selhurst Park នឹងផុតកំណត់នៅរដូវក្តៅ។ Butland មាន ជម្រើស ជាតិ អង់គ្លេស ចំនួន ៩លើក និង ស្ថិត ក្នុង ក្រុម របស់ លោក Gareth Southgate ក្នុង ព្រឹត្តិការណ៍ World Cup 2018។

 ទោះជាយ៉ាងណាក៏ដោយ គាត់មិនបានលេងនៅ Premier League ជាទៀងទាត់ទេ ចាប់តាំងពី Stoke City ត្រូវបានកាត់ចោលទៅលេងនៅលីកទី២អង់គ្លេសកាលពីឆ្នាំ២០១៨ ៕ (រូបភាព ៖ BBC Sport)