ពលរដ្ឋទីទាល់ក្រ និងពិការរភាព៤គ្រួសារ ទទួលអំណោយពីសប្បុរសជននៅរាជធានី តាមរយៈក្រុមការងារសារព័ត៌មានប្រចាំខណ្ឌសែនសុខ

ចែករំលែក៖

ខេត្តតាកែវ៖ កាលពីរព្រឹកថ្ងៃទី៥ ខែមិថុនា ២០១៦នេះ ក្រុមការងារសារព័ត៌មានប្រចាំខណ្ឌសែនសុខបាននាំយកអំណោយរបស់សប្បុរសជននៅរាជធានីភ្នំពេញទៅជួនពលរដ្ឋទីទាល់ក្រ និងពិការរភាព៤គ្រួសារ ដែលស្ថិតនៅភូមិតាខុន ឃុំព្រៃល្វា ស្រុកព្រៃកប្បាស ខេត្តតាកែវ។

គ្រួសារដែលបានទទួលអំណោយទាំង៤នោះទី១ ឈ្មោះ ហម ភុន អាយុ៣៧ឆ្នាំស្ត្រីមេ ម៉ាយកូន២ប្រកបមុខរបរដើរសីុឈ្នួរគេក្នុងភូមិ ជីវភាពទីទាល់កូន។ គ្រួសារទី២ ឈ្មោះ គុយ វួច អាយុ៦៨ឆ្នាំស្នាក់នៅជាមួយម្តាយឈ្មោះ ខា ថោនអាយុ៨៧ឆ្នាំ។ គ្រួសារទី៣ ឈ្មោះ ទុន ទេព ភេទប្រុស អាយុ ១១១ឆ្នាំ ជរានៅជាមួយក្នួយស្រីអាយុ៨៨ឆ្នាំ។ គ្រួសារទី៤ឈ្មោះដាំ ឡេង ភេទប្រុសអាយុ៣៧ឆ្នាំពីការរភាព។

អំណោយដែលផ្តល់ជូនដល់ប្រជាពលរដ្ឋទីទាល់ក្រ និងពិការភាពទាំង៤គ្រួសារខាងលើរួមមាន៖ អង្ករម្នាក់២៥គីឡូក្រាម ទឹកបរិសុទ្ធ EURO TECH ចំនួន២កេះ មី២កេះ ទឹកផ្លែឈើ១កេះ ត្រីខ១យួរ ទឹកសីុអីុវ១យួរ ស្ករស១គីឡូក្រាម អំបិលអីុយ៉ូត៤កីឡូក្រាម ប្រេងឆា១ដប ប៊ីចេងកន្លះគីឡូ រួមទាំងថវិការចំនួន៨មឺុនរៀល។

ខាងក្រោមជាបញ្ជីរាយនាមសប្បុរសជន៖
1. ព្រះតេជគុណ ទុយ ភារុម្យ ចៅអធិការវត្តសែនសុខ មី២កេស ទឹកផ្លែឈើ ២កេស ថវិកា២០ដុល្លារ។
2. លោកជំទាវ វណ្ណ លុយ អគ្គនាយិកាទឹកបរិសុទ្ធ EURO TECH ទឹកបរិសុទ្ធ ១១កេស។
3. លោក សឿន សុផាត នគរបាលផ្នែកអន្តរាគមន៍ខណ្ឌសែនសុខ (៣៣ប៉េ) មី១កេសទឹកផ្លែឈើ ១កេស ថវិកា ១០ដុល្លារ ។
4. លោក ញាណ នន នាយប៉ុស្តិ៍ឃ្មួញ មី១កេស។
5. លោកស្រី លាង ហ៊ីម ព្រមទាំងបុត្រាបុត្រី ២០ ម៉ឺនរៀល។
6. បងខា សុគន្ធ មន្រ្តីសាលាខណ្ឌសែនសុខ អង្ករ ១០០ គីឡូ ទឹកត្រី៤យួរ ទឹកស៊ីអ៊ីុវ៤យួរ ត្រីខ៤យួរ ស្ករ៤គីឡូ អំបិល១៦គីឡូក្រាម ប៊ីចេង២គីឡូ ថវិការ ១៦ម៉ឺនរៀល។
7. លោក សុវណ្ឌ សុខា និងភរិយា ប្រធានព័ត៌មានកម្ពុជា ប៉ុស្តិលេខ ៣ ទឺកត្រី១យួរ ទឹកស៊ីអ៊ីុវ ១យួរ ត្រីខ២យួរ។
8. ពូលី ត្រពាំងឈូក ១០ដុល្លារ។

ដោយមានការអាណិតអាសូរហើយជួបការខ្វះខាតជាក់ស្តែងតាមបណ្តាញទំនាក់ទំនងសង្គម Faebook ហើយជាទឹកចិត្តខ្មែរចេះជួយខែ្មរនោះក្រុមការងារអ្នកកាសែតប្រចាំខណ្ឌសែនសុខក្នុងនោះមានភ្នាក់ងារកាសែត នគរវត្ត និង នគរដ្រេហ្គន បានគៀងគរសុំអំណោយពីសប្បុរសជននៅរាជធានីភ្នំពេញតាមលទ្ធភាព ហើយបាននាំយកទៅប្រគល់ជូនពួកគាត់ដល់លំនៅដ្ឋាន។

តាមរយៈនេះផងដែរក៏សូមឲ្យសប្បុរសជនជិតឆ្ងាយក្នុងក្រៅប្រទេសមេតាជួយវិភាគនិទានជួយដល់ពួកគាត់ក្នុងប្រយោជន៍ចូលរួមសង្គ្រោះសង្គមទាំងអស់គ្នា។