ភ្នំពេញ៖ មនុស្សស្រីក្មេងចាស់៤នាក់បានរងរបួសធ្ងន់និងស្រាលត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗក្រោយពីជួបគ្រោះថ្នាក់ចរាចរណ៍ត្រូវបុរសជនជាតិចិនបេីករថយន្តបុកកាលពីវេលាម៉ោង១១និង៣០នាទីព្រឹកថ្ងៃទី១២ខែមករា ឆ្នាំ២០២៣ នៅចំណុចខាងកេីតវត្តជន្លង់ម្លូ ផ្លូវបេតុងក្រវាត់ក្រុង សង្កាត់ភ្លេីងឆេះរទេះ ខណ្ឌកំបូល។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញឡំប្រឺតាមួយគ្រឿងបេីកបរដោយបុរសម្នាក់រួមដំណេីរជាមួយប្រពន្ធកូន និងម៉ូតូឃ្លីកគ្រឿងទៀតបេីកបរដោយបុរសម្នាក់ធ្វេីដំណេីរស្របគ្នាតាមបណ្តោយផ្លូវបេតុងក្នុងទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែមានបុរសជនជាតិចិនម្នាក់បេីក
រថយន្តកាមរីបាឡែន ពណទឹកប្រាក់ ពាក់ស្លាកលេខភ្នំពេញ2S-2842 ធ្វេីដំណេីរ
មកពីក្រោយក្នុងល្បឿនលឿនគេចពីម៉ូតូមួយគ្រឿងក៏មកបុកម៉ូតូឃ្លីកមួយគ្រឿងរួចបន្តទៅបុកឡំប្រឺតាបណ្តាលឱ្យក្រឡាប់ ផ្ងារជេីងនិងរងរបួសធ្ងន់ស្រាល៤នាក់ ។
ក្រោយកេីតហេតុជនរងគ្រោះបានបញ្ជូនទៅសង្គ្រោះនៅមន្ទីរពេទ្យភ្លាមៗបន្ទាប់មកសមត្ថកិច្ចបានចុះមកដល់ចំណុចកេីតហេតុហើយបានធ្វេីការសម្របសម្រួលភាគីបង្កនិងភាគីរងគ្រោះ៕
ដោយ៖សុខាសែនជ័យ
