សារព័ត៌មាន China Daily បានផ្សាយថា ការផ្ទុះដ៏ខ្លាំងមួយបានធ្វើឱ្យកក្រើករោងចក្រគីមីនៅក្នុងទីក្រុង Panjin ប្រទេសចិនកាលពីថ្ងៃទី ១៥ ខែមករា។
ការផ្ទុះនេះបានកើតឡើងខណៈដែលការងារថែទាំកំពុងដំណើរការនៅលើកន្លែងផលិតអាល់កុលនៅក្រុមហ៊ុនគីមី Panjin Haoye នៅរសៀលថ្ងៃទី ១៥ ខែមករា។ ភ្នាក់ងារព័ត៌មានក្នុងស្រុកបាននិយាយថា ក្រុមអ្នកជួយសង្គ្រោះបាននៅនឹងកន្លែង ហើយអ្នករបួសមួយចំនួនត្រូវបានគេបញ្ជូនទៅមន្ទីរពេទ្យ។
យោងតាមទីភ្នាក់ងារសារព័ត៌មាន CCTV បានឱ្យដឹងថា យ៉ាងហោចណាស់មនុស្សពីរនាក់បានស្លាប់ និង៣០នាក់ផ្សេងទៀតបានរងរបួសបន្ទាប់ពីការផ្ទុះនេះ។
វីដេអូនៃកន្លែងកើតហេតុនៃការផ្ទុះត្រូវបានចែករំលែកនៅលើប្រព័ន្ធផ្សព្វផ្សាយសង្គម បង្ហាញឱ្យឃើញថា ផ្នែកធំនៃរោងចក្របានក្លាយទៅជាសំណង់បាក់បែកដោយមានផ្សែង និងភ្លើងបានឆាបឆេះ។
យោងតាមគេហទំព័ររបស់ខ្លួន ក្រុមហ៊ុនគីមី Panjin Haoye ផលិតប្រេងឥន្ធនៈរថយន្ត សារធាតុរំលាយស្ពាន់ធ័រ និងមេតាណុល ក៏ដូចជាផលិតផលគីមីផ្សេងទៀត។ ពួកគេមានបុគ្គលិកប្រហែល៦០០នាក់ និងមានការលក់ប្រចាំឆ្នាំចំនួន ២,៦ ពាន់លានដុល្លារ។
មានទីតាំងនៅខេត្ត Liaoning ឆ្នេរសមុទ្រ Panjin ជាផ្ទះរបស់រោងចក្រគីមីឥន្ធនៈខ្នាតធំជាច្រើន រួមទាំងរោងចក្រចម្រាញ់ប្រេង មានទឹកប្រាក់១០ពាន់លានដុល្លារ ដែលបច្ចុប្បន្នកំពុងត្រូវបានសាងសង់ដោយក្រុមហ៊ុនប្រេង និងឧស្ម័នធម្មជាតិរបស់ Saudi Aramco អារ៉ាប៊ីសាអូ៊ឌីត និងក្រុមហ៊ុនចិនចំនួន ២ ៕ ដោយធីរីណា
រូបថត : Sputnik
