ការនាំចេញប្រេងនិងឧស្ម័នធម្មជាតិរាវរបស់រុស្ស៊ីបានកើនឡើង ១៥% កាលពីឆ្នាំ២០២២ បើទោះបីជាវិស័យថាមពលរបស់ប្រទេសនេះត្រូវបានហ៊ុមព័ទ្ធដោយលោកខាងលិចក៏ដោយ។

នៅក្នុងកិច្ចប្រជុំរដ្ឋាភិបាលកាលពីថ្ងៃទី១៦ខែមករា ឧបនាយករដ្ឋមន្ត្រី Aleksandr Novak បាននិយាយថា ការនាំចេញប្រេងនិងឧស្ម័នរបស់រុស្ស៊ីនៅតែរឹងមាំ ទោះបីជាមានទណ្ឌកម្មរបស់លោកខាងលិចកាលពីឆ្នាំមុនក៏ដោយ ដោយនាំមកនូវប្រាក់ចំណូលរាប់ពាន់លានដុល្លារ។
នៅឆ្នាំ 2022 ការនាំចេញប្រេងរបស់រុស្ស៊ីបានកើនឡើង 7% ការលក់ឧស្ម័នធម្មជាតិរាវ (LNG) កើនឡើង 8% និងផលិតកម្មប្រេងកើនឡើង 2% ឈានដល់ចំនួនសរុប 535 លានតោន។
“សម្រាប់ឧស្សាហកម្មប្រេង យើងសម្រេចបានលទ្ធផលវិជ្ជមានកាលពីឆ្នាំមុន ទោះបីជាមានសកម្មភាពរបស់ប្រទេសដែលមិនរួសរាយរាក់ទាក់ និងការដាក់ទណ្ឌកម្មក៏ដោយ”។ សរុបមក ប្រាក់ចំណូលរបស់រុស្ស៊ីដែលបានមកពីការនាំចេញថាមពលនៅឆ្នាំ 2022 បានកើនឡើងប្រហែល 28% ឬ 2.5 ពាន់ពាន់លាន rubles (36.6 ពាន់លានដុល្លារ) បើធៀបនឹងឆ្នាំ 2021។
លោក Novak បានសង្កត់ធ្ងន់ថា “ទោះបីជាមានការលំបាកទាំងអស់ក៏ដោយ ក៏ឧស្សាហកម្មឥន្ធនៈនិងថាមពលបានដំណើរការប្រកបដោយស្ថិរភាពនៅក្នុងឆ្នាំចុងក្រោយនេះ ដោយទប់ទល់នឹងបញ្ហាប្រឈមខាងក្រៅ ធានាសន្តិសុខថាមពលរបស់ប្រទេស និងសម្រេចបាននូវគោលដៅសន្តិសុខថាមពលនាំចេញ ដែលរួមចំណែកយ៉ាងសំខាន់ក្នុងថវិកាជាតិ។
ថ្មីៗនេះក្រសួងហិរញ្ញវត្ថុរុស្ស៊ីបានរំពឹងថា ប្រាក់ចំណូលប្រេងនិងឧស្ម័នរបស់ប្រទេសនឹងធ្លាក់ចុះជាង 54 ពាន់លានរូប្លិ (790 លានដុល្លារ) នៅក្នុងខែមករាដោយសារតែការដាក់ទណ្ឌកម្មរបស់ EU លើប្រេងឆៅរុស្ស៊ីនិងកម្រិតតម្លៃប្រេងដែលមានប្រសិទ្ធភាពរួចហើយនៅក្នុងខែធ្នូឆ្នាំ 2022 ។
កាលពីថ្ងៃទី១៥ ខែមករា ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រាប់ទូរទស្សន៍ Russia 1 TV ថា សេដ្ឋកិច្ចរុស្ស៊ីល្អប្រសើរជាងការរំពឹងទុក និងមានស្ថិរភាពកាន់តែខ្លាំងឡើង។ យោងតាមប្រធានវិមានក្រឹមឡាំង សូចនាករសេដ្ឋកិច្ចសំខាន់ៗទាំងអស់គឺល្អ ដូចជាអត្រាគ្មានការងារធ្វើគឺនៅកម្រិតទាបជាប្រវត្តិសាស្ត្រ អតិផរណាទាបជាងការព្យាករណ៍ ហើយកំពុងស្ថិតក្នុងនិន្នាការធ្លាក់ចុះ។
អតិផរណាអាចធ្លាក់ចុះ 11.9% ក្នុងឆ្នាំ 2022 មកនៅត្រឹមប្រហែល 5% ក្នុងត្រីមាសទីមួយនៃឆ្នាំ 2023។ ក្រៅពីនេះ ផលិតកម្មឧស្សាហកម្ម កសិកម្ម និងសំណង់មានការកើនឡើង។ លោកពូទីនបានសង្កត់ធ្ងន់ថា “ជារួម ស្ថានភាពសេដ្ឋកិច្ចមិនត្រឹមតែមានស្ថិរភាពប៉ុណ្ណោះទេ ប៉ុន្តែខ្ញុំគិតថាវាល្អណាស់ »៕ ដោយធីរីណា

រូប​ថត​ :Kinhtedothi.vn