ខេត្តត្បូងឃ្មុំ៖ មានរថយន្តមួយគ្រឿងដាច់ហ្វ្រាំងក្រឡាប់កិនមនុស្សម្នាក់បែកខួរ កាលពីវេលាម៉ោង១ និង៥០នាទីរសៀលថ្ងៃទី៧ ខែមិថុនា ឆ្នាំ២០១៦ លេីផ្លូវលំ ភូមិទី៦ ឃំុជប់ ស្រុកត្បូងឃំ្មុ ខេត្តត្បូងឃំ្មុ។

តាមសាក្សីនៅកន្លែងកើតហេតុឃើញមានរថយន្តម៉ាក់ហីយ៉ាដាយ ពណ៌ស ពាក់ស្លាក់លេខកំពង់ចាម 3A-4205 ដឹកអូសកៅស៊ូពេញរថយន្ត ស្រាប់តែមកដល់ចំណុចកើតហេតុជាន់ហ្វ្រាំងមិនសីុ បានទៅបុកបុរសម្នាក់បណ្តាលឲ្យបែកខួរស្លាប់ភ្លាមៗ នៅនឹងកន្លែង ចំណែករថយន្តធ្លាប់ផ្លូវចូលទៅដីភូមិគេនៅក្បែរនោះ ចំពោះម្ចាស់រថយន្តបានរត់គេចខ្លួនបាត់។

ក្រោយពេលកើតហេតុ សមត្ថកិច្ចចុះមកវាស់វែង និងធ្វើការរកសាច់ញាតិអោយជនរងគ្រោះទៅធ្វើបុណ្យ ចំណែកឯរថយន្តបង្កសមត្ថកិច្ចយកទៅរក្សាទុកនៅអធិការស្រុកត្បូងឃ្មុំ ដើម្បីរង់ចាំម្ចាស់ចូលខ្លួនមកដោះស្រាយ៕

ដោយ៖ វណ្ណះ