ភ្នំពេញ៖ យុវជនម្នាក់បានរងរបួសធ្ងន់សន្លាប់ស្តូកស្តឹងខណៈដែលរូបគេបានជិះម៉ូតូក្នុងល្បឿនលឿនហើយក៏ចាប់ហ្វ្រាំងក្នុងបំណងបត់ចូលផ្ទះស្រាប់តែជួលបោកនិងថ្នល់ដួលសង្ស័យស្រវឹង។

គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១០ និង៣៥នាទីយប់ថ្ងៃទី៨ ខែមិថុនា ឆ្នាំ២០១៦ នៅចំណុចផ្លូវភ្នំពេញហាណូយមុខការ៉ាស់សាំងToTal សង្កាត់ភ្នំពេញថ្មី ខណ្ឌសែនសុខ។

អ្នកឃើញហេតុការណ៍បានឲ្យដឹងថា មុនពេលកើតហេតុគេឃើញយុវជនម្នាក់ពុំស្គាល់អត្តសញ្ញាណបានជិះម៉ូតូ១គ្រឿងម៉ាកស៊ុយសុីគីវីវ៉ា ពណ៌ខ្មៅ ពាក់ស្លាកលេខបាត់ដំបង1F-7360 ជិះម្នាក់ឯងក្នុងទិសដៅពីជើងទៅត្បូងក្នុងល្បឿនលឿន លុះមកដល់ចំណុចកើតហេតុជនរងគ្រោះក៏បត់ចូលទៅផ្ទះចាប់ហ្វ្រាំងដួលបោកទៅនិងថ្នាល់រងរបួសសន្លាប់ស្តូកហើយត្រូវបានប្រជាពលរដ្ឋជួយធ្វើចលនានិងលើកមកដាក់ខាងផ្លូវ មួយសន្ទុះក្រោយមកទើបជនរងគ្រោះដឹងខ្លួន ហើយក៏មានបងប្អូនមកឌុបយកទៅផ្ទះវិញដើម្បីទិញថ្នាំព្យាបាលដោយខ្លួនឯង៕

ដោយ៖ តុង សីហា