ភ្នំពេញ ៖ កងកម្លាំងរក្សាសន្តិភាពកម្ពុជា ៣០៩នាក់ ក្រោមឆត័អង្គការសហប្រជាជាតិ UN ដែលបានទៅបំពេញបេសកកម្ម រយៈ ពេល ១ឆ្នាំ នៅប្រទេសម៉ាលី បានវិលត្រ់ប់មកដល់កម្ពុជាវិញ ប្រកបដោយជោគជយ័កងកម្លាំងរក្សាសន្តិភាពកម្ពុជា ទាំង៣០៩រូបនេះ មកពី កងវិស្វកម្មព្រលានយន្តហោះលេខ១៦៨ កងកំទេចគ្រាប់មិនផ្ទុះលេខ២១៣ នៅសាធារណរដ្ឋម៉ាលី និងវិស្វកម្ម ព្រលានយន្តហោះលេខ៩១៨ នៅសាធារណ រដ្ឋកូរ៉េខាងត្បូង បានត្រឡប់មកកាន់ប្រទេសកម្ពុជាវិញហើយ នាព្រឹកទី០៩ ខែមិថុនា ឆ្នាំ២០១៦ ។

ការត្រលប់មកមាតុភូមិ ខ្លួននាពេលនេះ បានប្រព្រឹត្ដទៅនាព្រឹកថ្ងៃទី០៩ ខែមិថុនា ឆ្នាំ ២០១៦ អាកាសយានដ្ឋានអន្ដរជាតិភ្នំពេញ។

នៅក្នុងពិធីទទួលមាតុភូមិនិវត្តន៏នេះ មានការអញ្ជើញចូលរួមជាអធិបតីភាពពីឧបនាយករដ្ឋមន្រ្តី ទៀ បាញ់ រដ្ឋមន្រ្តីក្រសួង ការពារជាតិ ។

ឧបនាយករដ្ឋមន្រ្តី ទៀ បាញ់ បានចូលរួមសាទរចំពោះជោគជ័យ និងស្នាដៃរបស់កងកម្លាំងរក្សាសន្តិភាពកម្ពុជា ដែលសម្រេចបានរយៈពេល០១ឆ្នាំ ក្នុងការបំពេញបេសកកម្មអន្តរជាតិ ដែលជាសមិទ្ធផលថ្មីមួយបន្ថែមទៀត លើសមិទ្ធផលជាច្រើន ដែលកងម្លាំងរក្សាសន្តិភាពកម្ពុជា សម្រេចបានកន្លងមក ដើម្បីបុព្វហេតុសន្តិភាព មនុស្សធម៌ នៅលើលោក ដែលជាការឆ្លើយតបទៅ នឹងការបេ្តជ្ញាចិត្តយ៉ាងមុតមាំរបស់រាជរដ្ឋាភិបាល។ ឧបនាយករដ្ឋមន្រ្តី ទៀ បាញ់ បានបន្តថា នេះគឺជាភារកិច្ចដ៏មានកត្តិយស សម្រាប់ប្រជាជាតិ ដែលជាសក្ខីកម្មបញ្ជាក់ថា ប្រជាជនកម្ពុជាពិតជាមានសុខុដុមនីយកម្មជាតិ មានសមត្ថភាពគ្រប់គ្រាន់ ក្នុងការកសាងប្រទេសជាតិ។

ដោយ៖ សំរិត