ភ្នំពេញៈ ជាថ្មីម្ដងទៀតលោកចេងមុនីរ៉ាអភិបាលនៃគណៈអភិបាលខណ្ឌច្បារអំពៅបានចេញវិញ្ញាសាឲ្យលោកស្រីចៅសង្កាត់ព្រែកថ្មីដែលទើបប្រកាសចូលកាន់តំណែង ត្រូវខិតខំបំពេញការងារបំរើប្រជាពលរដ្ឋ ដែលបានគាំទ្រដល់លោកចៅសង្កាត់ ឲ្យឡើងចូលកាន់តំណែងជាចៅសង្កាត់ព្រែកថ្មី ជំនួសលោកលីវ វណ្ណថេង អតីតចៅសង្កាត់ព្រែកថ្មី. ដែលបានដាក់ពាក្យលាឈប់ និងផ្ទេរភារៈកិច្ចទៅកាន់តំណែងជាអភិបាលរងស្រុកកៀនស្វាយ ។
ពិធីប្រកាសផ្លាស់ប្តូរនិងទទួលស្គាល់ប្រធានក្រុមប្រឹក្សានិងជាចៅសង្កាត់ព្រែកថ្មី ចូលកាន់តំណែងជាផ្លូវការនេះបានប្រព្រឹត្តទៅនៅព្រឹក ថ្ងៃព្រហស្បតិ៍ ៤រោជ ខែមាឃ ឆ្នាំខាល ចត្វាស័ក ព.ស ២៥៦៦ ត្រូវនិងថ្ងៃទី០៩ ខែកុម្ភៈ ឆ្នាំ២០២៣ ក្រោមអធិបតីភាពលោក អ៊ំ ម៉ារ៉េត ប្រធានក្រុមប្រឹក្សាខណ្ឌ និងលោកចេង មុនីរ៉ា អភិបាលនៃគណៈអភិបាលខណ្ឌច្បារអំពៅ ។
យោងតាមសេចក្តីសម្រេចរបស់ក្រសួងមហាផ្ទៃដែលចុះហត្ថលេខាដោយសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសម្រេច តែងតាំងលោកស្រី វ៉ា សារិន ជាចៅសង្កាត់ព្រែកថ្មីជំនួសលោក លីវ ថេង ដែលបានដាក់ពាក្យលាឈប់ និងផ្ទេរភារៈកិច្ចទៅកាន់តំណែងជាអភិបាលរងស្រុកកៀនស្វាយ ។
មានមតិសំណេះសំណាលនិងផ្តាំផ្ញើនៅក្នុងអង្គពិធីលោកចេង មុនីរ៉ាអភិបាលនៃគណៈអភិបាលខណ្ឌច្បារអំពៅ បានដាក់ចេញនូវញ្ញាសារចំនួន៤ សំខាន់ៗ ដល់លោកស្រីចៅសង្កាត់ព្រែកថ្មី ដែលទើបចូលកាន់តំណែង អោយខិតខំអនុវត្តក្នុងគោលដៅបំរើប្រជាពលរដ្ឋដោយមិនប្រកាន់និន្នាការនយោបាយអ្វីឡើយ ។
ចំនុចទី១– ត្រូវខិតខំបំរើសេវ៉ាជូនប្រជាពលរដ្ឋ ទាំងសេវ៉ាសំណូមពរ និងសេវ៉ាតម្រូវការចាំបាច់ និងត្រូវរួមគ្នាអនុវត្តបទបញ្ជារបស់សម្តេចអគ្គមហាសេនាបីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អោយបានម៉ឺងម៉ាត់បំផុតក្នុងការលប់បំបាតល្បែងស៉ីសងគ្រប់ប្រភេទ ដូចជាល្បែងជល់មាន់ បៀ អាប៉ោង កន្ទុយលេខ ឡូតូ និងល្បែងតាមអនឡាញជាដើម ។ ត្រូវខិតខំផ្សព្វផ្សាយអោយបានទូលំទូលាយក្នុងការផ្តលសេវ៉ាមូលដ្ឋានជូនប្រជាពលរដ្ឋ ដូចជាសៀវភៅស្នាក់នៅ សៀវភៅគ្រួសារ ធ្វើអត្តសញ្ញាប័ណ្ណសញ្ជាតិខ្មែរជូនប្រជាពលរដ្ឋដែលគ្រប់អាយុ និង ហួសកាលបរិច្ឆេទ រួមទាំងផ្តល់សេវ៉ាលើឯកសារអត្រានុកូលដ្ឋាន ។
ទី២ –រួមទប់ស្កាត់ការសាងសង់សំណង់ផ្សេងៗដែលរំលោភយកដីចំណីទន្លេ បឹង ព្រែក ប្រឡាយ និងរៀបចំសណ្តាប់ធ្នាប់សាធារណៈអោយបានប្រសើរឡើងថែមទៀត ការប្រកបមុខរបររកស៉ីទទួលទានប្រចាំថ្ងៃមិនហានឃាត់ទេ តែសូមអោយបងប្អូនកុំដាក់តាំងលក់របស់របរផ្សេងៗ ដីចំណីផ្លូវសាធារណៈ
ទី៣ – ត្រូវផ្សព្វផ្សាយអោយបានទូលំទូលាយពីគុណតម្លៃដ៍មហាសាលដល់មហាជនទូទៅគឺ អត្ថន័យ នៃសន្តិភាព
ដែលយើងមានសព្វថ្ងៃនេះ ដោយសារប្រទេសជាតិយើងមានសន្តិភាពទើបមានការអភិវឌ្ឍន៍រីកចំរើនលើគ្រប់វិស័យយើងត្រូវរួបរួមគ្នាថែរក្សាការពារ សន្តិភាព ។
ទី៤- ត្រូវរួមគ្នារក្សាប្រព័ន្ធប្រឡាយ និងស្តាប្រឡាយដើម្បីស្តុកទឹកទុកសម្រាប់ស្រោចដំណាំបងប្អូនប្រជាពលរដ្ឋ ។
នៅចុងបញ្ចប់នៃកម្មវិធីលោកអភិបាលខណ្ឌ ស្នើសុំអោយបងប្អូនប្រជាពលរដ្ឋចូលរួមសហការជាមួយអាជ្ញាធរក្នុងការផ្តល់ពត៍មានសកម្មភាពក្មេងទំនើង ទីកន្លែងលួចសេព និងប្រើប្រាស់គ្រឿងញៀន និងសកម្មភាពល្មើសផ្សេងទៀត យើងត្រូវរួមគ្នាអនុវត្តគោលនយោបាយ ភូមិ-ឃុំ-សង្កាត់ មានសុវត្ថិភាព អោយមានប្រសិទ្ធិភាព ។ ការងារសន្តិសុខនេះជាកត្តាសំខាន់ណាស់ដែលមិនអាចខ្វះបាន ហើយមនុស្សគ្រប់គ្នា គ្រប់ស្រទាប់វណ្ណៈ មិនថាអ្នកមានឬអ្នកក្រនោះទេ គឺចង់បានមូលដ្ឋានមានសន្តិសុខល្អ រស់នៅក្នុងភាពសុដមរម្យនា ៕ 
ដោយ៖សណ្តោស
