ខេត្តបន្ទាយមានជ័យៈ អគ្គីភ័យឆាប់ឆេះផ្ទះអាជីវករប្រមាណជាង១០ល្វែងធ្វើឲ្យខូចខាតទ្រព្យ
សម្បត្តរាបសិបម៉ឺនដុល្លារនៅវេលាម៉ោង៦និង៣០នាទីព្រឹកថ្ងៃទី១៣ខែកុម្ភៈឆ្នាំ២០២៣នៅក្នុងភូមិអូរជ្រៅសង្កាត់អូរជ្រៅ
ក្រុងប៉ោយប៉ែត។
អគ្គីភ័យឆាបឆេះនោះដែរបានឆាប់ឆេះអស់ផ្ទះអាជីវករប្រមាណ១១ល្វែងដែលជាទីតាំងលក់គ្រឿងអគ្គីសនី លក់កង់ លក់កុំព្យូទ័រ និងកន្លែងព្រីមជាដើម នៅក្នុងស្ថានការណ៍ខាងលើគេឃើញមានរថយន្តពន្លត់អគ្គីភ័យជាច្រើនគ្រឿងដូចជារថយន្តពន្លត់អគ្គីភ័យរបស់កាស៊ីណូ រថយន្តរបស់ស្នងការខេត្តបន្ទាយមានជ័យ រថយន្តរបស់នគរបាលក្រុងប៉ោយប៉ែតនិងរថយន្តពន្លត់ខាងភាគីថៃចំនួន២គ្រឿង បានមកជួយអន្តរាគមន៍ ក្នុងនោះគេឃើញមានកងកម្លាំងបូករួមជាមួយអាជ្ញាធរជួយយកសំភារៈចេញពីកន្លែង
ដែលអគ្គីភ័យឆាបឆេះផងដែរ។
ដោយមានការចូលរួមជាកម្លាំងសាមគ្គីនេះហើយរហូតដល់ម៉ោងប្រមាណ៩និង២០នាទី
ព្រឹកថ្ងៃដដែលនេះកម្លាំងសមត្ថកិច្ចបានគ្រប់គ្រងបាន។ ការឆាបឆេះខាងលើនៅមិនទាន់ដឹងមូលហេតុច្បាស់នៅឡើយទេ៕

ដោយ៖វណ្ណា