ក្រុមមេឃខៀវ Manchester City បានត្រលប់មកកំពូលតារាង Premier League ជាលើកដំបូងចាប់តាំងពីខែវិច្ឆិកា ខណៈដែលពួកគេបានវ៉ាក្រុមកំពូលតារាង Arsenal ជាមួយនឹងជ័យជម្នះយ៉ាងសំខាន់នៅកីឡដ្ឋាន Emirates ក្នុងលទ្ធផល៣ទល់១។

 ម្ចាស់ជើងឯក Man City ដែលបានគ្រប់គ្រងបានបើកការនាំមុខក្នុងតង់ទីពីរនៅក្នុងការប្រកួតដ៏សំខាន់បំផុតនៃរដូវកាលក្នុងស្រុកខណៈដែល Arsenal បានព្យាយាមរកគ្រាប់បាល់តាមស្មើ និងចង់បានជ័យជម្នះនេះ។

ក្នុងការប្រកួតតង់ទី១ Man City បានបើកការនាំមុខដោយកំហុសខ្សែការពារ Takehiro Tomiyasu បានអនុញ្ញាតឱ្យខ្សែបម្រើKevin de Bruyne រកបាន១គ្រាប់លើអ្នកចាំទី នៅនាទីទី២៤ ប៉ុន្តែ Arsenal សមនឹងទទួលបានស្មើវិញនៅ៣នាទីគឺនៅនាទីទី៤៣ដោយខ្សែប្រយុទ្ធ Bukayo Saka ស៊ុតបញ្ចូលទីផុតដៃអ្នកចាំទី Ederson របស់ Man City។

 Man City មានភាពប្រសើរឡើងនៅតង់ទី២ ដោយខ្សែបម្រើ Jack Grealish រកគ្រាប់បាល់ទី២ឲ្យ Man City នៅនាទីទី៧២ហើយគ្រាប់បាល់ទី៣កើតឡើងដោយ Erling Haaland នៅនាទីទី៨២ជិតចប់ការប្រកួត។ លទ្ធផលនេះធ្វើឲ្យក្រុមភ្ញៀវ Man City យកឈ្នះ Arsenal ក្នុងលទ្ធផល៣ទល់១ សម្រាប់សប្តាហ៍ទី២៣របស់ Man City តែជាសប្តាហ៍ទី២២របស់ Arsenal។

បរាជ័យ នេះ នឹង ក្លាយ ជា ការ វាយ ប្រហារ ដ៏ ជូរចត់ សម្រាប់ Arsenal ដែល កើត ឡើង ដូច ដែល បាន ធ្វើ នៅ ចំពោះ មុខ អ្នកគាំទ្រ របស់ ពួកគេ ផ្ទាល់។ វាបានបន្តការបរាជ័យដែលពួកគេបានចាញ់នៅ Man City ក្នុងការប្រកួត FA Cup និងនៅ Everton ក្នុងលីកដោយបានស្មើជាមួយនឹងក្រុម Brentford កាលពីថ្ងៃសៅរ៍ ហើយឥឡូវនេះការបរាជ័យដ៏អាក្រក់មួយទៀតនៅទីនេះ។

បច្ចុប្បន្នក្រុម Man City កំពុងឈរលេខ១បណ្តោះអាសន្នមាន៥១ពិន្ទុ និងគ្រាប់បាល់ចំណេញ៣៦គ្រាប់ ខណៈកាំភ្លើងធំ Arsenal មាន៥១ពិន្ទុដែរ តែគ្រាប់បាល់ចំណេញមាន២៦គ្រាប់ និងសល់ក្នុងដៃមួយប្រកួតទៀត។ ចំណែកក្រុមលេខ៣ Man Utd មាន៤៦ពិន្ទុក្នុង២៣ប្រកួត ៕ (រូបភាព ៖ BBC Sport)