ខេត្តកណ្ដាល៖ ករណីគ្រោះថ្នាក់ចរាចរណ៍មួយបានកើតឡើងនៅវេលាម៉ោង៥ទៀបភ្លឺថ្ងៃទី១១ ខែមិថុនា ឆ្នាំ២០១៦ ស្ថិតនៅលើផ្លូវជាតិលេខ៦ ចន្លោះស្ពាន២១-២២ ត្រង់ចំណុចភូមិស្ពានថ្មី ឃុំរកាកោង២ ស្រុកមុខកំពូល ខេត្តកណ្តាល។

ប្រពភពីកន្លែងកើតហេតុឲ្យដឹងថា មុនពេលកើតហេតុគេឃើញរថយន្តម៉ាក ហ៊ីយ៉ាន់ដាយ ពណ៌ទឹកប្រាក់ ពាក់ផ្លាកលេខ ភ្នំពេញ 3D-2668 បើកបរដោយឈ្មោះ ហ៊ឹម សុខណូវ ភេទប្រុស អាយ២៧ឆ្នាំ មានទីលំនៅភូមិស្នោឃុំស្នោ ស្រុកព្រៃកប្បាស ខេត្តតាកែវ ធ្វើដំណើរពីជើងទៅត្បូងលុះមកដល់ចំណុចកើតហេតុបានងងុយដេក (ងោក)​បណ្ដាលឲ្យរថយន្តរ៉េទៅបុកសួនច្បារ ហើយរថយន្តក្រឡាប់លើសួនច្បារតែសំណាងល្អពុំមានអ្នករងរបួសទេ៕

ដោយ៖ ជឺ តុងឡេង