ក្រុមហង្សក្រហម Liverpool បានរងបរាជ័យក្នុងវគ្គជម្រុះ Champions League របស់ខ្លួន បន្ទាប់ ពី ក្រុម Real Madrid បានយកឈ្នះក្នុងលទ្ធផល ៥ទល់២ នៅ កីឡដ្ឋាន Anfield នៃការប្រកួតជើងទី១ វគ្គ១៦ក្រុមចុងក្រោយកាលពីអធ្រាត្រឈានចូលថ្ងៃទី២២ កុម្ភៈ។
Real Madrid ដែលបានផ្តួល Liverpool ក្នុងវគ្គផ្តាច់ព្រ័ត្រកាលពីរដូវកាលមុននៅទីក្រុងប៉ារីស បានក្លាយជាក្រុមដំបូងដែលរកបាន៥គ្រាប់នៅកីឡដ្ឋាន Anfield ក្នុងទ្វីបអឺរ៉ុប បើទោះបីជាបានស៊ុតបញ្ចូលទី២គ្រាប់នៅដើមដំបូង ខណៈដែលក្រុម Liverpool បានបង្កើតក្តីសុបិនក្នុងការប្រកួតវគ្គ១៦ក្រុមចុងក្រោយនេះ។
ការស៊ុតបញ្ចូលទីដ៏ល្អរបស់ Darwin Nunez បានធ្វើឱ្យ Liverpool នាំមុខមុនត្រឹមតែ៤នាទីមុនពេលខ្សែប្រយុទ្ធ Mohamed Salah ស៊ុតបញ្ចូលទីគ្រាប់ទី២ផុតដៃអ្នកចាំទី Thibaut Courtois របស់ Real Madrid ក្នុងរយៈពេល១០នាទីក្រោយមកដើម្បីបង្កើនឱកាសនាំមុខរហូតដល់២គ្រាប់ក្នុងតង់ទី១។
អ្នកគាំទ្រក្រុម Liverpool ដែលបានបញ្ចេញកំហឹងរបស់ពួកគេចំពោះការស្តីបន្ទោសខុសចំពោះភាពវឹកវរនៅវគ្គផ្តាច់ព្រ័ត្រកាលពីរដូវកាលមុនដោយកាន់ទង់ជាតិដែលមានអក្សរ “Uefa Liars” និងស្រែកខ្លាំងៗនូវបទចម្រៀង Champions League។ គ្រាប់បាល់ស៊ុតបញ្ចូលទី នៅនាទីទី២១របស់ Vinicius Junior បានតាមពីក្រោយ១គ្រាប់មកវិញ ហើយកីឡាកររូបនេះរកបាន១គ្រាប់បន្ថែមទៀតនៅនាទីទី៣៦ជាគ្រាប់បាល់តាមស្មើក្នុងតង់ទី១មិនគួរឲ្យជើងនៅមុខអ្នកគាំទ្រ Liverpool ក្នុងកីឡដ្ឋាន Anfield ។
លទ្ធផលបានប្រែប្រួលក្នុងតង់ទី៣ ដោយក្រុមភ្ញៀវ Real Madrid បន្តនាំមុខនៅនាទីទី៤៧ ដែលរកបានដោយកីឡាករ Eder Militao បានតែតបាល់បញ្ចូលទីពីការបញ្ជូនបាល់ហ្វ្រីឃីករបស់ Luka Modric។ បន្ទាប់មក Real Madrid បានវាយបកទៅលើភាពអស្ចារ្យរបស់ខ្លួន ខណៈដែលការស៊ុតរបស់ Karim Benzema ២គ្រាប់បន្ថែមទៀត ដោយខ្សែប្រយុទ្ធសញ្ជាតិបារាំងរូបនេះរកបាននៅនាទីទី៥៥ និងនាទីទី៦៧។
Liverpool បានបន្តក្តីសុបិនអាក្រក់របស់ខ្លួនបន្តទៀត ដោយមិនអាចកែប្រែប្រវត្តិជួបគ្នានេះបាន។ ជំនួសមកវិញកីឡដ្ឋាន Anfield ត្រូវបានកាត់បន្ថយទៅជាភាពស្ងៀមស្ងាត់ ខណៈដែលក្រុមរបស់លោក Jurgen Klopp ត្រូវបានកាត់បន្ថយការដេញតាមស្រមោលនៅពេលប្រឈមមុខនឹងទម្រង់លេងដ៏ខ្លាំងក្លារបស់ Real Madrid និងអាចបាត់បង់ឱកាសឡើងវគ្គបន្តពេលជួបគ្នានៅជើងទី២ក្នុងទឹកដី Bernabeu។
លោក Klopp នឹងមិនមានការងឿងឆ្ងល់នោះទេ ក្នុងការជំរុញទឹកចិត្តពេលដែលក្រុមរបស់គាត់យកឈ្នះ Barcelona ក្នុងការប្រកួតវគ្គពាក់កណ្តាលផ្តាច់ព្រ័ត្រ Champions League ឆ្នាំ២០១៩ នៅពេលដែល Liverpool បានបរាជ័យក្នុងលទ្ធផល ៣–០ ជើងទីមួយ ហើយឈានទៅវគ្គបន្តជាមួយនឹងជ័យជម្នះ ៤–០ នៅកីឡដ្ឋាន Anfield នៅជើងទី២។ ប្រសិនបើ Liverpool អាចបង្កើតឱកាសនេះឡើងវិញ វា នឹង ក្លាយ ជា ស្នាដៃ ដ៏ អស្ចារ្យ បំផុត មួយ ក្នុង ប្រវត្តិសាស្ត្រ របស់ ពួកគេ។
ការប្រកួតជើងទី២ ក្នុងទឹកដី Bernabeu រវាងក្រុម Real Madrid នឹង Liverpool ត្រូវធ្វើឡើងនៅថ្ងៃទី១៦ ខែមីនាខាងមុខ ដើម្បីស្វែងរកអ្នកឈ្នះឡើងទៅកាន់វគ្គ៨ក្រុមចុងក្រោយពានរង្វាន់ Champions League បន្តទៀត ៕ (រូបភាព ៖ BBC Sport)
