ហេតុការណ៍ប៉ះទង្គិចគ្នារវាងអ្នកគាំទ្របានកើតឡើងក្រោយពេលក្រុមជម្រើសជាតិអង់គ្លេសប្រកួតស្មើក្រុមរុស្ស៊ី ១-១ នៅយូរ៉ូកាលពីថ្ងៃសប្តាហ៍មុន ។

ប្រភពព័ត៌មានជាច្រើននិយាយថា ការប៉ះទង្គិចគ្នានោះបង្កឡើងដោយក្រុមអ្នកគាំទ្ររុស្ស៊ីមុន។សាក្សីជាច្រើននិយាយទៀតថា ការប៉ះទង្គិចគ្រានោះកើតឡើងក្រោយពេលអ្នកគាំទ្របាល់ទាត់រុស្ស៊ីដុតកាំជ្រួច ហើយពួកគេបានសម្រុកទៅកាន់កន្លែងដែល អ្នកគាំទ្ររបស់អង់គ្លេសកំពុងឈរ ។ អ្នក ទស្សនាបាល់ ទាត់មួយរូបឈ្មោះ Ned Ozkasim បាននិយាយថា ខ្ញុំមិនបានឃើញ ការតបតអ្វីពីអ្នកគាំទ្រអង់គ្លេសនោះទេគឺឃើញតែពួកគេព្យាយាមរត់គេច ។

រដ្ឋមន្ត្រីក្រសួងកីឡារបស់រុស្ស៊ីលោក Vitaly Mutko បានទទួលស្គាល់ថា រុស្ស៊ីនឹង ទទួលរងពិន័យពីសហព័ន្ធបាល់ទាត់ទ្វីបអឺរ៉ុប ដោយសារអ្នកគាំទ្រប្រព្រឹត្តកាយវិការមិនសមរម្យ ។

ប្រែសម្រួល៖ ថាច់យ៉ាត