ភ្នំពេញ៖ កម្លាំងកងរាជអាវុធហត្ថខណ្ឌមានជ័យបានឃាត់ខ្លួនក្រុមក្មេងស្ទាវ៨នាក់ ដែលនាំគ្នាជក់ថ្នាំញៀន យ៉ាងពពាក់ពពូន ដោយមិនខ្លាចញញើតសមត្ថកិច្ច បានដកហូតថ្នាំញៀន និងឧបករណ៍ជក់ ថ្នាំញៀនមួយចំនួន ។
ប្រតិបត្តិការណ៍នេះប្រព្រឹត្តទៅនៅវេលាម៉ោង១២និង៣០នាទីរំលងអធ្រាត្រឈានចូលថ្ងៃទី១៤ ខែមិថុនា ឆ្នាំ២០១៦ នៅចំណុច ភូមិព្រែកទាល់ សង្កាត់ ស្ទឹងមានជ័យ ខណ្ឌមានជ័យ រាជធានីភ្នំពេញ ។
មន្រី្តកងរាជអាវុធហត្ថហត្ថខណ្ឌមានជ័យបានឲ្យដឹងថា បន្ទាប់ពីមានសេចក្តីរាយការណ៍របស់ប្រជាពលរដ្ឋរស់នៅក្នុងមូលដ្ឋានខាងលើប្រាប់ថា ស្ទើររៀងរាល់ថ្ងៃមានក្រុមក្មេងស្ទាវជាច្រើនតែងតែប្រមូលផ្ដុំគ្នាជារៀងរាល់យប់នៅចំណុចខាងលើ ដើម្បីប្រើប្រាស់ និងចែកចាយគ្រឿង ជាពិសសេសនៅយប់ថ្ងៃកើតហេតុ ទើបកម្លាំងកងរាជអាវុធហត្ថខណ្ឌមានជ័យចុះទៅបង្ក្រាប និងឃាត់ខ្លួនជនសង្ស័យខាងលើបាន៨នាក់ និងដកហូតបានវត្ថុតាងគ្រឿងញៀន រួមនឹងឧបករណ៍ជក់ថ្នាំញៀនមួយចំនួនផងដែរ។
បច្ចុប្បន្នជនសង្ស័យទាំងនេះ ត្រូវបានកម្លាំងកងរាជអាវុធហត្ថខណ្ឌបញ្ជូនមកការិយាល័យប្រយុទ្ធប្រឆាំងគ្រឿងញៀនរាជធានី ដើម្បីកសាងសំណុំរឿងចាត់ការតាមនីតិវិធីច្បាប់ ៕
ដោយ៖ ប្រាថ្នា
...
