ប៉ូលិសបានចាប់ផ្តើមការស៊ើបអង្កេតលើវីដេអូដែលបង្ហាញឱ្យឃើញកីឡាករបាល់បោះ Memphis Grizzlies Ja Morant កាន់កាំភ្លើងនៅក្នុងក្លិបរាត្រីមួយក្នុងរដ្ឋ Colorado ។

កីឡាករក្រុម All-Star រូបនេះបានសុំទោសបន្ទាប់ពីការផ្សាយបន្តផ្ទាល់នៅលើទំព័រ Instagram របស់គាត់កាលពីថ្ងៃសៅរ៍ ហើយត្រូវបានផ្អាកសម្រាប់ការប្រកួតយ៉ាងហោចណាស់២។ ពេលនេះប៉ូលិសក្នុងតំបន់កំពុងស៊ើបអង្កេតថា តើបុរសអាយុ២៣ឆ្នាំរូបនេះបានបំពានច្បាប់កាំភ្លើងដែរឬទេ?

ពួកគេ បាន បញ្ជាក់ ថា ឧបទ្ទវហេតុ នេះ បាន កើត ឡើង ក្នុង ទីក្រុង Glendale ជិត ក្រុង Denver ហើយ កំពុង តែ ស៊ើបអង្កេតរឿង នេះ។

 វាជាការស្របច្បាប់ក្នុងការកាន់កាំភ្លើងនៅក្នុងរដ្ឋ Colorado ជាមួយនឹងករណីលើកលែងមួយចំនួន រួមទាំងការកាន់កាប់ ខណៈពេលដែលស្ថិតនៅក្រោមឥទ្ធិពលនៃគ្រឿងស្រវឹង។ ឧប្បត្តិហេតុនេះបានកើតឡើងប៉ុន្មានម៉ោងបន្ទាប់ពី Grizzlies បានប្រកួតចាញ់១១៣ទល់៩៧ ក្រោមថ្វីដៃក្រុម Denver Nuggets ។

 បន្ទាប់មក Morant បាននិយាយថា គាត់ទទួលខុសត្រូវទាំងស្រុង ដោយបន្ថែមថាគាត់នឹងទទួលបានជំនួយ ខណៈដែលស្ថាប័នបាល់បោះអាមេរិក NBA កំពុងស៊ើបអង្កេតដែរ។

Morant ទទួលបានជាមធ្យម២៧.១ពិន្ទុ និង៨.២ assists ក្នុងមួយប្រកួតក្នុងរដូវកាលនេះ ហើយបានបង្ហាញខ្លួនជាលើកទី២ជាប់ៗគ្នាឲ្យក្រុម All-Star Game កាលពីខែមុន។

 នៅក្នុងការអវត្តមានរបស់ Morant Grizzlies ដែលបច្ចុប្បន្នជាលើកទី២នៅក្នុងការប្រកួត Western Conference បានចាញ់ក្រុម Los Angeles Clippers កាលពីថ្ងៃអាទិត្យ ៕ (រូបភាព ៖ BBC Sport)