ភ្នំពេញ៖ រថយន្តចំនួន២គ្រឿងខណៈដែលកំពុងបេីកបរស្របទិសគ្នាស្រាប់តែបើកកៀរគ្នាគាបជាប់រងការខូចខាតទាំងសងខាង តែសំណាងដែរដែលមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង៩និង២០នាទីព្រឹក ថ្ងៃទី៩ ខែមីនា ឆ្នាំ២០២៣ នៅចំណុចភ្លើងស្តុបមុខវិទ្យាល័យហ៊ុនសែន ជម្ពូវ័ន តាមបណ្តោយផ្លូវជាតិលេខ៤ ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីហេតុបានឱ្យដឹងថា រថយន្តមួយគ្រឿងម៉ាកស្តារិច ពណ៌ទឹកប្រាក់ ពាក់ស្លាកលេខភ្នំពេញBI-7680 និងមួយគ្រឿងទៀតម៉ាកហ៊ីយ៉ាន់ដាយ ពណ៌លឿងលាយក្រហម ពាក់ស្លាកលេខភ្នំពេញ3C-1477 ។ មុនពេលកេីតហេតុរថយន្តទាំង២គ្រឿងធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីកេីតទៅលិចស្របនឹងទន្ទឹមគ្នា លុះមកដល់ចំណុចកេីតហេតុក៏ងាកមកកៀរគ្នាគាបជាប់រងការខូចខាតទាំងសងខាង តែសំណាងមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចជំនាញបានចុះទៅដល់កន្លែងកេីតហេតុបាញ់ថ្នាំយករថយន្តអែបខាងជៀសវាងការកកស្ទះចរាចរណ៍នឹងទុកឱ្យភាគីទាំងសងខាងសម្រួលគ្នាមួយជំហានសិន៕
ដោយ៖សុខាសែនជ័យ
