ខេត្តកំពង់ស្ពឺ៖ កម្លាំងនគរបាលស្រុកគងពិសី បានចុះបង្រ្កាប និងឃាត់ខ្លួនមនុស្សចំនួន ០៩នាក់ ពាក់ព័ន្ធករណីលេងល្បែងស៉ីសងខុសច្បាប់(បាញ់អាប៉ោង) យកមកសាកសួរដេីម្បីចាត់ការតាមច្បាប់។
ករណីឃាត់ខ្លួនក្រុមអ្នកញៀនល្បែងខាងលេីនេះ បានធ្វេីឡេីងកាលពីថៃ្ង១៧ ខែមីនា ឆ្នាំ២០២៣ម្សិលមិញនេះ នៅចំណុចដីចម្ការស្វាយ ស្ថិតភូមិព្រៃតាលឹម ឃុំជង្រុក ស្រុកគងពិសី។
សូមជម្រាបថា កម្លាំងនគរបាលស្រុកគងពិសី សហការពីប៉ុស្ដិ៍នគរបាលរដ្ឋបាល បានបង្ក្រាបល្បែងស៊ីសងបាញ់អាប៉ោង ឃាត់មនុស្សបាន០៩នាក់ ដកហូតសម្ភារៈវត្ថុតាងបានមួយចំនួនរួមមាន៖ ម៉ូតូ០៣គ្រឿង មេអាប៉ោង៥គ្រាប់ ចានអាប៉ោង២ ផ្តិលគ្របចំនួន ២ កំរាល០១ ប្រាក់៥៣៤០០០រៀល។
បច្ចុប្បន្នសមត្ថកិច្ចនគរបាលបានបញ្ជូនមុខសញ្ញាទាំង០៩នាក់ មកការិយាល័យជំនាញ ខេត្ដ ដើម្បីកសាងសំណុំរឿងចំណាត់ការនីតិវិធីបន្ដ ៕ដោយ៖សហការី
...
