ភ្នំពេញ ៖ កម្លាំងនគរបាលប៉ុស្តិ៍ផ្សារដេប៉ូទី១ បានឃាត់ខ្លួនជនសង្ស័យម្នាក់ក្រោយធ្វើសកម្មភាពលួចកាច់កញ្ចក់រថយន្តនៅកន្លែងផ្ញើរ តែមិនបាន
ករណីខាងលើនេះបានកើតឡើងនៅវេលាម៉ោង១ និង៣០នាទីរំលងអាធ្រាត្រឈានចូលថ្ងៃទី២០ ខែមិថុនា ឆ្នាំ២០១៦ ស្ថិតនៅក្រោយសាលាមត្តីសាមគ្គីកន្លែងផ្ញើរថយន្តតាមផ្លូវលេខ២២៩ កែងផ្លូវលេខ១៨២ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីមន្រ្តីនគរបាលមូលដ្ឋានបានឲ្យដឹងថា ជនសង្ស័យឈ្មោះ ពៅ ជុន ភេទប្រុស អាយុ៣២ឆ្នាំ មុខរបមិនពិតប្រាដកស្នាក់នៅម្តុំមន្ទីរពេទ្យលោកសង្ឃ និងមានស្រុកកំណើតនៅឯស្រុកឈូក ខេត្តកំពត ។
បើតាមចំម្លើយបំភ្លឺរបស់ជនរងគ្រោះបានប្រាប់សមត្ថកិច្ចថា ជារៀងរាល់យប់កន្លែងផ្ញើររថយន្តនេះតែងតែមានចោរមកក្រវែលជាញឹកញាប់ លុះនៅថ្ងៃកើតហេតុខាងលើគាត់បានដាក់វេនគ្នាចាំឃ្លាំមើលស្រាប់តែភ្លាមនោះឃើញជនសង្ស័យកំពុងតែធ្វើសកម្មភាពលួចកាច់កញ្ចក់រថយន្តភ្លាមនោះគាត់និងប្រជាពលរដ្ឋដែលនៅក្បែរនោះនាំគ្នាព័ទចាប់បាន ហើយវាយម្នាក់មួយដៃមួយជើងឡើងទ្រមខ្លួន សំណាងល្អសមត្ថកិច្ចមកទាន់ពេលវេលាបាននាំជនសង្ស័យយកទៅព្យាបាលរងបួសផងដែរ ។
បច្ចុប្បន្នជនសង្ស័យត្រូវបានឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌទួលគោកដើម្បីកសាងសុំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិរិធី ៕
ដោយ៖ ស ដារ៉ា
