លោក​វ៉ា​ គឹ​ម​ហុង​ បង្ហាញ​ផែនទី​ផ្លូវការ​ប្រើប្រាស់​ក្នុង​ការងារ​ខណ្ឌសីមា​ និង​បោះបង្គោល​ព្រំដែន​គោក​រវាងកម្ពុជា-វៀតណាម

ចែករំលែក៖

​ភ្នំពេញៈ​ បន្ទាប់​ពី​មានការ​ពុះកញ្ជ្រោល​ ជ្រួលច្របល់​ដោយ​ក្រុម​គណបក្សប្រឆាំង​ តែងតែបាន​ដឹកនាំ​សកម្មជន​ ក្រុម​យុវជន​ ប្រជាពលរដ្ឋ​ ព្រះសង្ឃ​ទៅ​ធ្វើ​សកម្មភាព​ព្រំដែន​កម្ពុជា​-​វៀតណាម​ ។​ ថ្មីៗ​នេះ​ មានការ​ប៉ះទង្គិច​គ្នា​មួយ​នៅ​ព្រំដែន​ខេត្តព្រៃវែង​ រវាង​តំណាងរាស្ត្រ​គណបក្ស​សង្គ្រោះ​ជាតិ​ ជាមួយនឹង​ប្រជាពលរដ្ឋ​ សមត្ថកិច្ច​វៀតណាម​ ពី​បញ្ហា​ព្រំដែន​នេះ​ ទើប​នៅ​ព្រឹក​ថ្ងៃ​ទី​២​ ខែកក្កដា​ ឆ្នាំ​២០១៥​ លោក​ វ៉ា​ គឹ​ម​ហុង​ ទេស​រដ្ឋមន្ត្រី​ទទួល​បន្ទុក​កិច្ចការ​ព្រំដែន​ និង​ជា​ប្រធាន​គណៈកម្មាធិការ​ចំរុះ​កិច្ចការ​ព្រំដែន​ បាន​ធ្វើ​សន្និសីទ​សារព័ត៌មាន​ បើក​ជា​ចំហរ​មួយ​ ដល់​អ្នក​សារព័ត៌មាន​ជាតិ​ អន្តរជាតិ​បានដឹង​ពី​ផែនទី​ផ្លូវការ​ ដើម្បី​បង្ហាញ​ផែនទី​ផ្លូវការ​ដែល​រាជរដ្ឋាភិបាល​ បាន​និង​កំពុង​យក​មក​ប្រើប្រាស់​ ក្នុង​ការងារ​ខ័​ណ្ឌ​សីមា​ និង​បោះបង្គោល​ព្រំដែន​គោក​រវាង​ព្រះរាជាណាចក្រ​កម្ពុជា​ នឹង​សាធារណរដ្ឋ​សង្គមនិយម​វៀតណាម​។​
​នៅ​ក្នុង​សន្និសីទ​សារព័ត៌មាន​នេះ​ផង​ដែរ​ ក៏​មានការ​ចូលរួម​ពី​លោក​ឡុ​ង​ វិ​សា​ឡូ​ រដ្ឋលេខាធិការ​ក្រសួងការបរទេស​ និង​សហប្រតិបត្តិការ​អន្តរជាតិ​,​ លោកស្រី​ កុយ​ ពិសី​ អនុប្រធាន​គណៈកម្មាធិការ​ចម្រុះ​កិច្ចការ​ព្រំដែន​ និង​មានការ​ចូលរួម​ពី​តំណាងរាស្ត្រ​គណបក្សប្រឆាំង​ ពិសេស​វត្តមាន​លោក​ រៀល​ ខេ​ម​រិ​ន្ទ​ អ្នកតំណាង​រាស្ត្រ​ដែល​បាន​ដឹកនាំ​សកម្មជន​របស់​ខ្លួន​ទៅ​ព្រំដែន​ ហើយ​ប៉ះទង្គិច​ជាមួយ​ពលរដ្ឋ​ និង​ទាហាន​វៀតណាម​នោះ​ ។​
​លោក​ វ៉ា​ គឹ​ម​ហុង​ ទេស​រដ្ឋមន្ត្រី​ទទួល​បន្ទុក​កិច្ចការ​ព្រំដែន​ និង​ជា​ប្រធាន​គណៈកម្មាធិការ​ចម្រុះ​កិច្ចការ​ព្រំដែន​ បាន​ឲ្យ​ដឹង​ថា​ ផែនទី​ជា​ផ្លូវការ​សម្រាប់​ប្រើប្រាស់​ក្នុង​ការងារ​ខ័​ណ្ឌ​សីមា​ និង​បោះបង្គោល​ព្រំដែន​គោក​រវាង​ព្រះរាជាណាចក្រ​កម្ពុជា​ នឹង​សាធារណរដ្ឋ​សង្គមនិយម​វៀតណាម​ គឺ​បាន​យក​មក​ពី​វិទ្យាស្ថាន​ភូមិសាស្ត្រ​ជាតិ​បារាំង​មក​ធ្វើ​ជា​មូលដ្ឋាន​ និង​ស្រប​តាម​រដ្ឋធម្មនុញ្ញ​ មាន​ចំនួន​២៦​ផ្ទាំង​ ។​ នៅ​ក្នុង​សន្និសីទ​សារព័ត៌មាន​នេះ​ លោក​ វ៉ា​ គឹ​ម​ហុង​ រួម​ទាំង​ក្រុមការងារ​បាន​បង្ហាញ​ជូន​ផែនទី​ផ្លូវការ​ ទាំង​២៦​ផ្ទាំង​ដាក់​ឲ្យ​អ្នក​សារព័ត៌មាន​ជាតិ​ និង​អន្តរជាតិ​ និង​តំណាងរាស្ត្រ​គណបក្សប្រឆាំង​ផង​ដែរ​បានឃើញ​ ដើម្បី​ចៀសវាង​ការ​យល់​ច្រឡំ​ បង្កើត​ឲ្យ​មាន​បញ្ហា​ស្មុ​គ្រ​ស្មាញ​ក្នុង​យន្តការ​កំពុង​យក​មក​ប្រើប្រាស់​ក្នុង​ការងារ​ខ័​ណ្ឌ​សីមា​ និង​បោះបង្គោល​ព្រំដែន​គោក​ ។​
​ឆ្លើយ​តប​នឹង​សំណួរ​ថា​ កន្លង​ទៅ​លោក​សម​ រ​ង្ស៊ី​ ប្រធាន​គណបក្ស​សង្គ្រោះ​ជាតិ​ធ្លាប់​អះអាង​ថា​ ខ្លួន​មាន​ផែនទី​នេះ​ពី​ប្រទេស​បារាំង​ និង​មាន​ចំនួន​២៦​ផ្ទាំង​ដែរ​?​ លោក​វ៉ា​ គឹ​ម​ហុង​ បាន​បញ្ជាក់​ថា​ ប្រសិនបើ​លោក​សម​ រ​ង្ស៊ី​ មាន​ផែនទី​នេះ​ និង​យក​មក​ពី​វិទ្យាស្ថាន​ភូមិសាស្ត្រ​ជាតិ​បារាំង​ ពិតជា​ត្រឹមត្រូវ​ដូច​គ្នា​ ប៉ុន្តែ​ លោក​ខ្លាច​ផែនទី​នោះ​ ជា​ផែនទី​ លក្ខណៈ​កាត់ត​ ឬ​ចម្លង​មិន​ត្រឹមត្រូវ​ យក​ទៅ​ប្រើប្រាស់​គ្រាន់តែ​ ជា​ការ​កេង​ចំណេញ​ផ្នែក​នយោបាយ​ សម្រាប់​ការ​គាំទ្រ​បក្ស​របស់​ខ្លួន​ ។​
​ដោយឡែក​តំណាងរាស្ត្រ​គណបក្សប្រឆាំង​ដែល​បាន​ចូលរួម​នៅ​ក្នុង​សន្និសីទ​សារព័ត៌មាន​នេះ​ គេ​បានឃើញ​កាន់​ផែនទី​មួយ​កំ​ភ្លុះ​ ដើម្បី​យក​ទៅ​ផ្ទៀងផ្ទាត់​ជាមួយ​ផែនទី​ដែល​ប្រធាន​គណៈកម្មាធិការ​ចម្រុះ​កិច្ចការ​ព្រំដែន​បាន​លាតត្រដាង​បង្ហាញ​ឲ្យ​ឃើញ​ជា​ផ្លូវការ​នោះ​ ។​
​ផែនទី​ដែល​លោក​វ៉ា​ គឹ​ម​ហុង​ ចាត់ទុកជា​ផ្លូវការ​ និង​យក​មក​ពី​វិទ្យាស្ថាន​ភូមិសាស្ត្រ​ជាតិ​បារាំង​ជា​មូលដ្ឋាន​ប្រើប្រាស់​ក្នុង​ការងារ​ខ័​ណ្ឌ​សីមា​ និង​បោះបង្គោល​ព្រំដែន​គោក​រវាង​ព្រះរាជាណាចក្រ​កម្ពុជា​ នឹង​សាធារណរដ្ឋ​សង្គមនិយម​វៀតណាម​ ពិតជា​ផែនទី​ដែល​មាន​លក្ខណៈ​ដ៏​ចាស់​ ព្រមទាំង​មានការ​ប្រុង​ប្រយ័ត្ន​យ៉ាង​ខ្លាំង​សម្រាប់​ការពារ​លើ​ការ​បាត់បង់​ ហើយ​ក៏​ត្រូវ​បាន​បើក​ពន្លាត​ឲ្យ​ឃើញ​ក្នុង​សន្និសីទ​សារព័ត៌មាន​នេះ​ជា​លក្ខណៈ​ចំហ​ ៕​ សុខ​ ខេមរា​

20150702-134823.jpg

20150702-134828.jpg

20150702-134844.jpg

20150702-134902.jpg

20150702-134910.jpg

20150702-134922.jpg

...

20150702-134932.jpg


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print