ខ្សែប្រយុទ្ធ Valentin Castellanos របស់ Girona បានស៊ុតបាល់បញ្ចូលទី៤គ្រាប់ម្នាក់ឯង ខណៈដែលពួកគេបានកត់ត្រាជ័យជម្នះយ៉ាងអស្ចារ្យលើក្រុម Real Madrid ដែលជាម្ចាស់ជើងឯក La Liga។ Castellanos ក្នុងលក្ខខ័ណ្ឌខ្ចីជើងពីក្រុម New York City បាននាំមុខមុន២គ្រាប់ ប៉ុន្តែ Vincius Jr បានផ្តល់ក្តីសង្ឃឹមដល់ Real Madrid ជាមួយនឹងការតែតបាល់បញ្ចូលទីពីការបញ្ជូនរបស់ Marco Asensio ក្នុងតង់ទី១ដែរ។

 Castellanos វ័យ២៤ឆ្នាំ រកបាន២គ្រាប់បន្ថែមក្នុងតង់ទី២ ដែលគាត់គឺជាកីឡាករដំបូងគេក្នុងរយៈពេលជាង៧៥ឆ្នាំដែលស៊ុតបញ្ចូលទីបាន៤គ្រាប់ក្នុងការប្រកួត La Liga ទល់នឹង Real Madrid។ កាលពីខែធ្នូឆ្នាំ១៩៤៧ Esteban Echaverria រកបាន៥គ្រាប់សម្រាប់ Real Oviedo ទល់នឹង Real Madrid ។

 កីឡាករសញ្ជាតិអាហ្សង់ទីន Castellanos បានប៉ះបាល់តែ១៥ដងប៉ុណ្ណោះដោយមានការស៊ុតបាល់បញ្ចូលទី៤គ្រាប់ មុនពេលត្រូវបានផ្លាស់ប្តូរនៅនាទី៧១។ ឥឡូវនេះគាត់បានស៊ុតបញ្ចូលទីបាន១១គ្រាប់នៅ La Liga ក្នុងរដូវកាលនេះ។ ក្រុម Real Madrid មិនមានអ្នកចាំទីជម្រើសដំបូង Thibaut Courtois ដោយសារជំងឺរលាកក្រពះ និងខ្សែប្រយុទ្ធ Karim Benzema ដោយរបួសជើង។

 កីឡាករ Taty Castellanos ដែលគេប្រើជាទូទៅគឺកំពុងខ្ចីជើងទៅ Girona ពី New York City ដែលជាក្លិបបងប្អូនទាំងពីររបស់Manchester City។ ការខ្ចីជើងពេញមួយរដូវកាលមិនមានជម្រើសសម្រាប់ Girona ដើម្បីធ្វើជាអចិន្ត្រៃយ៍នោះទេ។ វាត្រូវបានគេរាយការណ៍ថា គ្មាននរណាម្នាក់ដេញថ្លៃ១២លានផោន (១៥លានដុល្លារ) ក្លិប NYC ចង់បានកាលពីរដូវក្តៅមុនដូច្នេះពួកគេបានសម្រេចចិត្តថាតម្លៃរបស់គាត់អាចនឹងកើនឡើងបន្ទាប់ពីមួយរដូវកាលនៅក្នុងលីកកំពូលមួយរបស់អឺរ៉ុប។

 គាត់បានឈ្នះស្បែកជើងមាស MLS ឆ្នាំ២០២១ ដោយរកបាន១៩គ្រាប់ក្នុង៣២ប្រកួត និងជាកីឡាករក្មេងជាងគេទីពីរដែលស៊ុតបាន៥០ គ្រាប់ក្នុង MLS។ កីឡាករអាហ្សង់ទីនរូបនេះដែលមិនបានបំពេញការងារបានលេងបាល់ទាត់ក្លិបរបស់គាត់នៅក្នុងប្រទេសឈីលី និងអ៊ុយរ៉ាហ្គាយ មុនពេលចូលរួមជាមួយ NYC ក្នុងឆ្នាំ២០១៨។

 បច្ចុប្បន្នក្រុម Real Madrid មាន១១ពិន្ទុតាមពីក្រោយក្រុមកំពូលតារាង Barcelona ដោយបានលេងមួយប្រកួតបន្ថែមទៀត។ពួកគេប្រកួតជាមួយក្រុម Manchester City ក្នុងការប្រកួត Champions League វគ្គពាក់កណ្តាលផ្តាច់ព្រ័ត្រជើងទីមួយក្នុងរយៈពេល២សប្តាហ៍ខាងមុខនេះ ៕ (រូបភាព ៖ BBC Sport)