កិច្ចសន្យារបស់តារាឆ្នើមរបស់ក្លិប West Ham កីឡាករ Declan Rice ដំណើរការរហូតដល់រដូវក្តៅក្រោយ ជាមួយនឹងជម្រើសមួយឆ្នាំទៀត ហើយគាត់បានច្រានចោលការផ្តល់ជូននៃកិច្ចព្រមព្រៀងថ្មីជាមួយក្លិប។ លោក Mikel Arteta ចង់ជួបពិភាក្សាជាមួយខ្សែបម្រើ Declan Rice ភ្លាមៗនៅពេលដែលរដូវកាលនេះបញ្ចប់។ គ្រូបង្វឹកក្រុម Arsenal រូបនេះកាន់តែមានទំនុកចិត្តថា គាត់អាចនាំយកខ្សែបម្រើ West Ham រូបនេះបាន បើទោះបីជាមានការដេញថ្លៃដណ្តើមពានរបស់ក្លិបកាំភ្លើងធំក៏ដោយ។

កុងត្រារបស់ Declan Rice ដំណើរការរហូតដល់រដូវក្តៅក្រោយ ជាមួយនឹងជម្រើសមួយឆ្នាំទៀត ហើយគាត់បានច្រានចោលការផ្តល់ជូននៃកិច្ចព្រមព្រៀងថ្មី។ កីឡាករជម្រើសជាតិអង់គ្លេសអាយុ២៤ឆ្នាំដែលលេងបាន៤១ប្រកួតរូបនេះចង់ស្នាក់នៅទីក្រុងឡុងហើយចាប់អារម្មណ៍ក្នុងការផ្លាស់ទៅ Emirates ផងដែរ។

 លោក Arteta គ្រូ បង្វឹក របស់ក្លិបកាំភ្លើងធំ Arsenal ដែល ធ្លាប់ លេង ក្នុង ខ្សែ បម្រើ ខ្លួន ឯង ជឿ ថា គាត់ អាច ជួយ បញ្ចុះបញ្ចូល កីឡាករ Declan Rice ដែល មាន តម្លៃ ១០០ លាន ផោន ឲ្យ ចូល រួមក្រុម។ គាត់នឹងជំរុញឱ្យ Arsenal បង្កើតវិធីសាស្រ្តផ្លូវការមួយនៅពេលដែលរដូវកាលនេះបានបញ្ចប់ ដើម្បីព្យាយាមផ្លាស់ប្តូរការផ្ទេរដ៏ធំនៅពេលដែលទីផ្សារបើកនៅក្នុងខែមិថុនា។កាំភ្លើងធំ Arsenal មានសាច់ប្រាក់ក្នុងការចំណាយនៅរដូវក្តៅនេះ បន្ទាប់ពីបរាជ័យក្នុងការចុះកិច្ចព្រមព្រៀងធំសម្រាប់កីឡាករMoises Caicedo និង Mykhaylo Mudryk ក្នុងខែមករា។

 Mudryk បានជ្រើសរើសលេងឲ្យ Chelsea ខណៈដែលកីឡាករអន្តរជាតិអេក្វាឌ័រ Caicedo របស់ Brighton បានបញ្ចប់ការចុះហត្ថលេខាលើកិច្ចសន្យាថ្មីនៅក្រុមបន្ត ប៉ុន្តែឥឡូវនេះ Arsenal គឺជាគោលដៅដ៏គួរឱ្យទាក់ទាញមួយបន្ថែមទៀត បន្ទាប់ពីមានសិទ្ធិសម្រាប់ការប្រកួត Champions League នៅរដូវកាលក្រោយ ដោយបញ្ចប់ការអវត្តមានរយៈពេល៦ឆ្នាំ។ Declan Rice បាន ទទួល ស្គាល់ ពី កាតព្វកិច្ច របស់ ក្រុម ជម្រើស ជាតិ អង់គ្លេស ថា គាត់ ចង់ លេងនៅ Champions League។

 គាត់បាននិយាយថា “មួយរយភាគរយខ្ញុំចង់លេងនៅ Champions League ក្នុងរយៈពេល២ ឬ៣ឆ្នាំចុងក្រោយនេះ ខ្ញុំបាននិយាយបែបនេះ។ ខ្ញុំបានលេងយ៉ាងល្អសម្រាប់ក្លិបរបស់ខ្ញុំ ហើយខ្ញុំមានអារម្មណ៍ថាខ្ញុំពិតជា ចង់បន្តជំរុញ។ ខ្ញុំឃើញមិត្តរបស់ខ្ញុំនៅទីនេះដែលកំពុងលេង Champions League និងសម្រាប់ពានរង្វាន់ធំៗ។ អ្នកទទួលបានអាជីពតែមួយប៉ុណ្ណោះ ហើយនៅចុងបញ្ចប់ អ្នកចង់មើលទៅក្រោយអ្វីដែលអ្នកបានឈ្នះ និងហ្គេមដ៏ធំបំផុតដែលអ្នកបានលេង”។

ទោះបីជាមានការតស៊ូរបស់ក្រុម West Ham នៅជិតតំបន់កាត់ចោលក៏ដោយ ក៏ Declan Rice មានទម្រង់លេងសមរម្យម្តងទៀតជាមួយនឹងគ្រាប់បាល់ចំនួន៣ និង Assists ២ដងក្នុងការបង្ហាញខ្លួន៣៣លើក។ គាត់ក៏បានដើរតួយ៉ាងសំខាន់ក្នុងការលេងរបស់ក្រុមញញួរធំ West Ham ទៅវគ្គ៤ចុងក្រោយនៃពានរង្វាន់ Europa Conference League ។

 ប្រធានក្លិប West Ham លោក Rob Newman ត្រូវបានគេជឿថា បានមើលខ្សែបម្រើ Swiss Djibril Sow របស់ក្លិបEintracht Frankfurt ជាអ្នកជំនួសដ៏មានសក្តានុពលសម្រាប់កីឡាករ Declan Rice ដែលកំពុងលេងនៅ Bundesliga ពេលប៉ះជាមួយ Borussia Dortmund ៕ (រូបភាព ៖ mirror.com)