ភ្នំពេញ៖ បុរសម្នាក់បានស្លាប់ភ្លាមៗយ៉ាងអាណោចអាធ័មបន្ទាប់ពីជិះម៉ូតូចេញពីធ្វេីការឆ្លងផ្លូវបុកគ្នាជាមួយម៉ូតូមួយគ្រឿងទៀតដួលទៅលើថ្នល់ត្រូវរថយន្តមកពីក្រោយកិនអូសប្រហែល៣០ម៉ែត្រ កាលពីវេលាម៉ោង១១ព្រឹកថ្ងៃទី២៥ ខែឧសភា ឆ្នាំ២០២៣ នៅចំណុចមុខបុរីសែនមនោរម្យ ក្នុងភូមិអូដឹម សង្កាត់ចោមចៅទី៣ ខណ្ឌពោធិ៍សែនជ័យ ។
ជនរងគ្រោះឈ្មោះប៉ែន ពិសិដ្ឋ ភេទប្រុស អាយុ២៨ឆ្នាំ មុខរបរកម្មកររោងចក្រ មានស្រុកកំណេីតនៅខេត្តកំពង់ឆ្នាំង។
តាមប្រភពព័ត៌មាននៅកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញជនរងគ្រោះជិះម៉ូតូម៉ាកស្គូពីពណ៌ខ្មៅ ពាក់ស្លាកលេខភ្នំពេញ1JZ- 8580 ចេញពីធ្វេីការរោងចក្រ ហេីយបានជិះឆ្លងផ្លូវទៅទិសខាងលិចក៏បានបុកគ្នាជាមួយម៉ូតូមួយគ្រឿងទៀតម៉ាកស្គូពីពណ៌ស ពាក់ស្លាកលេខភ្នំពេញJM -6992 បេីកបរដោយយុវជនម្នាក់ធ្វេីដំណេីរក្នុងទិសដៅពីលិចទៅកេីត បណ្តាលឱ្យដួលទៅលើថ្នល់ ភ្លាមនោះស្រាប់តែមានរថយន្តកុងតឺន័ររបស់ក្រុមហ៊ុន L M H ពាក់ស្លាកលេខភ្នំពេញ3B-4090 ធ្វេីដំណេីរក្នុងទិសដៅពីកេីតទៅលិចជ្រុលទៅកិនអូសប្រហែល៣០ម៉ែត្របណ្តាលឱ្យម្ចាស់ម៉ូតូស្គូពីពណ៌ខ្មៅស្លាប់យ៉ាងអាណោចអាធ័ម ចំណែកភាគីម្ខាងទៀតរងរបួសធ្ងន់។
បន្ទាប់មកតៃកុងរថយន្តកុងតឺន័របានចុះពីលេីរថយន្តគេចខ្លួនបាត់ស្រមោល ។ ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុប្រគល់សពទៅឱ្យក្រុមគ្រួសារយកទៅធ្វេីបុណ្យតាមប្រពៃណី ចំណែករថយន្តរួមទាំងម៉ូតូត្រូវបានប្រគល់ទៅឱ្យជំនាញការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយពេលក្រោយ៕
ដោយ៖សុខាសែនជ័យ
