អ្នកចាត់ការក្រុមបិសាចក្រហម Manchester United លោក Erik ten Hag និយាយថា ប្រធានក្រុម Harry Maguire មានការសម្រេចចិត្តលើអនាគតរបស់គាត់នៅក្លិបថា ត្រូវចាកចេញ និងត្រូវនៅបន្តក្នុងក្លិបទៀត។ ខ្សែការពារសញ្ជាតិអង់គ្លេសវ័យ៣០ឆ្នាំរូបនេះបានបង្ហាញខ្លួនត្រឹមតែ១៦ប្រកួតប៉ុណ្ណោះនៅក្នុងក្របខ័ណ្ឌ Premier League សម្រាប់ក្រុមបិសាចក្រហមនៅរដូវកាលនេះ។
ខ្សែការពារ Lisandro Martinez និង Raphael Varane គឺជាគូប្រជែងតំបន់ការពារកណ្តាលដែលពេញចិត្តរបស់លោក Ten Hag ក្នុងរដូវកាលដំបូងរបស់គាត់ដែលដឹកនាំនៅ Old Trafford ធ្វើឲ្យខ្សែការពារ Harry Maguire បាត់បង់ជម្រើសដំបូង។
លោក Ten Hag បានប្រាប់កាសែត The Times ថា “គ្មាននរណាម្នាក់នឹងសប្បាយចិត្តជាមួយនឹងស្ថានភាពនេះទេ។ គាត់ក៏មិនអីដែរ គាត់តែងតែហ្វឹកហាត់ក្នុងកម្រិតល្អបំផុត ដូច្នេះជាមួយនឹងការខិតខំប្រឹងប្រែង១០០%។ ដូច្នេះគាត់ដោះស្រាយស្ថានភាពនោះបានល្អ ហើយគាត់ស្ថិតក្នុងរបៀបនោះ ហើយក្នុងតួនាទីជាប្រធានគាត់ គាត់មានសារៈសំខាន់សម្រាប់ក្រុម”។
Maguire បាន បង្កើត កំហុស ក្នុងពេលប្រកួតក្នុងនាមជាខ្សែការពារនៅ រដូវ កាល នេះ ដែល ថ្មី បំផុត ក្នុង ការ ចាញ់ ក្រុម Sevilla ក្នុង លទ្ធផល ៣–០ នៅ Europa League កាលពី ខែមុន ។
លោក Ten Hag បានបន្ថែមថា “គាត់មានការប្រកួតប្រជែងខ្ពស់នៅទីនោះ [នៅតំបន់កណ្តាល] ជាមួយ Raphael Varane ដែលអស្ចារ្យ។ ឧបមាថាខ្ញុំសប្បាយចិត្តដែលគាត់នៅទីនេះ ហើយនៅពេលដែលយើងត្រូវការគាត់ គាត់ធ្វើការងាររបស់គាត់ ប៉ុន្តែវាក៏ជាការសម្រេចចិត្តដែលគាត់ត្រូវធ្វើផងដែរ”។
ខណៈដែលលោក Ten Hag មិនបានបញ្ជាក់ថា តើ Maguire នឹងក្លាយជាកីឡាកររបស់ Man Utd នៅរដូវកាលក្រោយ អតីតគ្រូបង្វឹកក្លិប Ajax រូបបេះបាននិយាយថា អ្នកចាំទី David de Gea នឹងស្នាក់នៅសម្រាប់យុទ្ធនាការ២០២៣–២០២៤។ De Gea បានក្លាយជាអ្នកចាំទីជម្រើសដំបូងរបស់ក្លិបនៅរដូវកាលនេះ ហើយបានឈ្នះពានរង្វាន់ Golden Glove សម្រាប់ Clean Sheet ច្រើនជាងគេនៅ Premier League។
នៅពេលសួរថា តើកីឡាករវ័យ៣២ឆ្នាំនឹងនៅតែនៅ Old Trafford នៅរដូវកាលក្រោយទេ លោក Ten Hag បានឆ្លើយតបថា“បាទ ប៉ុន្តែខ្ញុំនឹងមិននិយាយថាគា ត់នឹងក្លាយជាលេខមួយរបស់ខ្ញុំជានិច្ចទេ ព្រោះនៅក្នុងក្លិបដូចជា United ត្រូវតែមានការប្រកួតប្រជែងគ្រប់មុខតំណែង”។
ក្លិប Manchester United នឹងប្រកួតជាមួយ Manchester City នៅវគ្គផ្តាច់ព្រ័ត្រ FA Cup នៅកីឡដ្ឋាន Wembley នៅថ្ងៃអាទិត្យជាមួយនឹងក្តីសង្ឃឹមនៃការប្រជែងពានរបស់គូប្រជែងក្នុងទីក្រុងជាមួយគ្នាដើម្បីធ្វើបានដូចដែលធ្លាប់ឈ្នះ ក្រោមការដឹកនាំរបស់លោក Sir Alex Ferguson កាលពីឆ្នាំ១៩៩៩។
គួរបញ្ជាក់ថា ខ្សែការពារ Maguire បានមកដល់ Man Utd ក្នុងឆ្នាំ២០១៩ពី Leicester ក្នុងតម្លៃ៨០លានផោន ដែលជាតម្លៃបំបែកកំណត់ត្រាពិភពលោកសម្រាប់ខ្សែការពារនាពេលនោះ ហើយកុងត្រារបស់គាត់មានរហូតដល់ឆ្នាំ២០២៥។ គាត់បានលេងក្នុងការប្រកួតបាល់ទាត់ពិភពលោកទាំង៥របស់អង់គ្លេសក្នុងឆ្នាំ២០២២ ហើយត្រូវបានជ្រើសរើសសម្រាប់ការប្រកួតជម្រុះ Euro នាពេលខាងមុខផងដែរ ប៉ុន្តែអ្នកចាត់ការក្រុមអង់គ្លេសលោក Gareth Southgate បាននិយាយថា គាត់មានការព្រួយបារម្ភចំពោះកង្វះពេលវេលាលេងរបស់ Maguire នៅ United ៕ (រូបភាព ៖ BBC Sport)
