កីឡាករ Neco Williams និង David Brooks ត្រូវបានគ្រូបង្វឹកដាក់បញ្ចូលឈ្មោះក្នុងក្រុមជម្រើសជាតិវែលក្នុងចំណោមកីឡាករចំនួន២៥នាក់សម្រាប់ការប្រកួតជម្រុះយូរ៉ូ២០២៤ (Euro 2024) ទល់នឹងអាមេនី និងទួរគីក្នុងខែមិថុនា ខណៈដែលកីឡាករ Tom Lockyer មិនមានឈ្មោះនោះទេ។

 Williams ត្រូវ បាន ជ្រើស រើស បើ ទោះ បី ជា មិន បានបង្ហាញខ្លួន តាំង ពី ខែ មេសា ដោយ បាក់ថ្គាម ក៏ ដោយ ខណៈកីឡាករ Brooks ត្រលប់ មក វិញ ជា លើក ដំបូង ចាប់ តាំង ពី បាន ជា សះស្បើយ ពី ជំងឺ មហារីក រីឯBrennan Johnson ក៏មានឈ្មោះក្នុងក្រុមផងដែរ។ ប៉ុន្តែមិនមានកន្លែងសម្រាប់ Lockyer បន្ទាប់ពីគាត់បានដួលក្នុងអំឡុងពេលប្រកួតចុងក្រោយរបស់ក្រុម Luton Town ឈ្នះលើក្រុម Coventry City។Lockyer ត្រូវ បាន ប្តូរ ចេញ បន្ទាប់ ពីលេង បាន ត្រឹម តែ១២នាទីនៅ Wembley ហើយ នៅ តែ ស្ថិត ក្នុង មន្ទីរពេទ្យ។

 បន្ទាប់ពីការចូលមន្ទីរពេទ្យ Lockyer បានបង្ហោះនៅលើប្រព័ន្ធផ្សព្វផ្សាយសង្គមថា គាត់មានអារម្មណ៍សោកស្តាយខ្លាំងណាស់ ហើយត្រូវបានគេថតរូបអបអរសាទរជ័យជម្នះរបស់ Luton ដែលមានន័យថាពួកគេនឹងលេងនៅ Premier League នៅរដូវកាលក្រោយ។

ទោះបីជាយ៉ាងណាក៏ដោយ ខ្សែការពារកណ្តាលដែលមានឈ្មោះក្នុងក្រុមជើងឯករដូវកាល២០២២–២០២៣ នឹងមិនជាប់ពាក់ព័ន្ធនៅពេលដែលវែលត្រូវជួបជាមួយអាមេនីនៅកីឡដ្ឋានCardiff City នៅថ្ងៃសុក្រទី១៦ ខែមិថុនា មុនពេលធ្វើដំណើរទៅប្រទេសទួរគីបីថ្ងៃក្រោយមក។

 អ្នកចាត់ការក្រុមវែលលោក Robert Page បានបញ្ជាក់យ៉ាងច្បាស់ថា ខ្សែបម្រើប្រយុទ្ធ Brooks វ័យ២៥ឆ្នាំ នឹងត្រូវបានជ្រើសរើសសម្រាប់ការប្រកួតរដូវក្តៅរបស់វែលដោយបានត្រលប់ទៅក្រុមដំបូងនៅ Bournemouth វិញ។ Brooks ត្រូវបានគេធ្វើរោគវិនិច្ឆ័យថា មានជំងឺមហារីកឈ្មោះ Hodgkin ដំណាក់កាលទី២ នៅខែតុលា ឆ្នាំ២០២១ ប៉ុន្តែបានលេងឲ្យ Bournemouth លើកដំបូងរបស់គាត់ក្នុងរយៈពេល៥៣៦ថ្ងៃក្នុងខែមីនា ដោយបានប្រកាសថា គាត់មិនមានជំងឺមហារីកនៅក្នុងខែឧសភា ឆ្នាំ២០២២។

 គ្រូបង្វឹកជម្រើសជាតិវែលក៏និយាយផងដែរថា មិនមានការព្រួយបារម្ភអំពីប្រធានក្រុម Aaron Ramsey ទោះបីជាគាត់បានខកខានការប្រកួតបីលើកចុងក្រោយរបស់ Nice ជាមួយនឹងរបួសកំភួនជើងក៏ដោយ។ លោក Page ក៏មានទំនុកចិត្តថា Danny Ward នឹងមានភាពរឹងមាំនៅខែក្រោយ បើទោះបីជាអ្នកចាំទី Leicester City រូបនេះរងការឈឺចាប់ម្រាមដៃដែលបង្ខំឱ្យគាត់ខកខានការប្រកួត៣លើកចុងក្រោយនៃរដូវកាលរបស់ក្រុមក៏ដោយ។

 មានកីឡាករចំណូលថ្មីមួយនៅក្នុងក្រុមរបស់លោក Page គឺ Joe Low វ័យ២១ឆ្នាំ ដែលជាខ្សែការពាររបស់ Bristol City ដែលបានចំណាយពេលពាក់កណ្តាលទី២នៃរដូវកាលមុនក្នុងការខ្ចីជើងជាមួយក្រុម Walsall នៃ League Two។ Low ដែលជាកូនប្រុសរបស់អតីតខ្សែបម្រើក្លិប Cardiff City លោក Josh Low បានលេងឱ្យក្រុមវែលក្នុងកម្រិតអាយុក្រោម២១ឆ្នាំ។

 មានកីឡាករ៣នាក់ផ្សេងទៀតដែលមិនទាន់បានបញ្ចូលក្នុងនោះរួមមាន Luke Harris របស់ Fulham, ខ្សែប្រយុទ្ធ Liam Cullen របស់ Swansea City និង Morgan Fox ដែលមិនមានវត្តមានបន្ទាប់ពីត្រូវបានដោះលែងដោយ Stoke City ។

 ក្រុមវែលបានចាប់ផ្ដើមយ៉ាងជោគជ័យក្នុងយុទ្ធនាការជម្រុះយូរ៉ូនេះ ដោយបានស្មើជាមួយក្រូអាត ហើយបន្ទាប់មកបានយកឈ្នះលើក្រុមឡាត់វៀក្នុងផ្ទះ ធ្វើឲ្យវែលស្ថិតក្នុងចំណាត់ថ្នាក់លេខ៣ក្នុងពូល D។ អាមេនីបានលេងវគ្គជម្រុះ Euro 2024 តែមួយលើកគត់មកទល់ពេលនេះដោយបានចាញ់ ២–១ ក្រោមថ្វីជើងទួរគី។ រីឯទួរគីបានលេង២ប្រកួតហើយបន្ទាប់ពីឈ្នះអាមេនី និងចាញ់ក្រូអាតក្រៅដី ២–០៕ (រូបភាព ៖ BBC Sport)ប្រធានក្លិប Atletico Madrid បញ្ជាក់ពីការសម្រេចចិត្តរបស់ Chelsea ជុំវិញការផ្ទេរJoao Felix

 ប្រធានក្លិប Atletico Madrid លោក Enrique Cerezo បានបញ្ជាក់ថា ក្លិបតោខៀវ Chelsea មិនមានគម្រោងបន្តកិច្ចព្រមព្រៀងជាអចិន្ត្រៃយ៍សម្រាប់ខ្សែប្រយុទ្ធ Joao Felix ដែលខ្ចីជើងនោះទេ។

 ខ្សែប្រយុទ្ធ Felix បានចូលរួមជាមួយក្រុម Chelsea ក្នុងខែមករាក្នុងកិច្ចព្រមព្រៀងខ្ចីជើងរយៈពេល៦ខែដ៏ថ្លៃ ដែលមិនរួមបញ្ចូលជម្រើសក្នុងការទិញ ប៉ុន្តែមន្ត្រីក្លិបបានកំពុងចរចាជាមួយ Atletico Madrid ដើម្បីកំណត់តម្លៃនៃការផ្ទេរអចិន្រ្តៃយ៍។

 ការពិភាក្សាទាំងនោះបានចាប់ផ្តើម ខណៈពេលដែលលោក Graham Potter ជាអ្នកទទួលខុសត្រូវ ហើយជាមួយនឹងលោកMauricio Pochettino ឥឡូវនេះស្ថានភាពបានផ្លាស់ប្តូរ ហើយគឺជាជនជាតិអាហ្សង់ទីនដែលបានធ្វើការអំពាវនាវចុងក្រោយអំពីអនាគតរបស់ Felix។

 ប្រធានក្លិបលោក Cerezo បាននិយាយថា “ការពិតគឺថាខ្ញុំមិនអាចប្រាប់អ្នកពីផែនការជាមួយ Joao Felixបានទេ។ វាជាដំណឹងដែលយើងមាន ដែលគ្រូបង្វឹកថ្មីមិនពឹងផ្អែកលើគាត់សម្រាប់ Chelsea។ យើងមិនទាន់មានគម្រោងអ្វីនៅឡើយទេ Joao Felixគឺជាកីឡាកររបស់ Atletico Madrid ឥឡូវនេះ”។

 Felix បាននិយាយដោយបើកចំហអំពីបំណងប្រាថ្នារបស់គាត់ក្នុងការបន្តនៅ Stamford Bridge លើសពីរដូវក្តៅនេះ ប៉ុន្តែឥឡូវនេះទំនងជានឹងត្រលប់ទៅ Atletico Madrid វិញដោយបញ្ចប់ការបង្ហាញខ្លួន របស់គាត់នៅក្នុងប្រទេសអង់គ្លេសជាមួយនឹងគ្រាប់បាល់ចំនួន៤គ្រាប់ក្នុងការបង្ហាញខ្លួន២០ប្រកួតសម្រាប់ Chelsea។

 កីឡាករវ័យ២៣ឆ្នាំរូបនេះនៅតែស្ថិតក្រោមកិច្ចសន្យាជាមួយ Atletico Madrid រហូតដល់ឆ្នាំ២០២៧ ហើយ Chelsea តែងតែមានការព្រួយបារម្ភអំពីតម្លៃនៃកិច្ចព្រមព្រៀងដ៏មានសក្តានុពលណាមួយ ដោយតាមសំណើរបស់លោក Pochettino ឥឡូវនេះបានបោះបង់ចោលផែនការដើម្បីបន្តការផ្ទេរជាអចិន្ត្រៃយ៍។

 Chelsea បានបញ្ចប់ការចុះហត្ថលេខាលើកីឡាករ Christopher Nkunku ពី RB Leipzig រួចហើយ ហើយនឹងស្វាគមន៍ទាំងMalo Gusto និង Levi Colwill ត្រលប់មកវិញពីកិច្ចព្រមព្រៀងខ្ចីជើងរៀងៗខ្លួន ខណៈដែលក្រុមរបស់លោក Pochettino បន្តរីកចម្រើន។

 ការពិភាក្សាក៏ត្រូវបានធ្វើឡើងផងដែរលើខ្សែបម្រើ Manuel Ugarte របស់ក្លិប Sporting CP ខណៈដែលកីឡាករ Moises Caicedo របស់ Brighton និង Declan Rice របស់ West Ham ក៏ក្លិប Chelsea ចាប់អារម្មណ៍ផងដែរ ៕ (រូបភាព ៖90min.com)