កីឡាការិនី Jessica Pegula បាន ក្លាយ ជា កីឡាការិនី ដែល មាន ចំណាត់ ថ្នាក់ ខ្ពស់ បំផុត ដែល បាន ចាក ចេញ ពីកម្មវិធីFrench Open ឆ្នាំ២០២៣ រហូត មក ដល់ បច្ចុប្បន្ន ខណៈ នាង ត្រូវ បានកីឡាការិនី Elise Mertens យកឈ្នះក្នុងសិតជាប់ៗគ្នា។

 កីឡាការិនីវាយ តឺន្នីសលំដាប់ទី៣ពិភពលោក របស់ អាមេរិក Pegula ដែល ជា អ្នក ចូល រួម វគ្គ ៨ ក្រុម ចុង ក្រោយ ក្នុង ទីក្រុងប៉ារីស កាល ពី ឆ្នាំ មុន បាន តស៊ូយ៉ាងស្វិតស្វាញ ប៉ុន្តែនៅតែ បរាជ័យ ក្នុង លទ្ធផល 6-1 6-3។

 កីឡាការិនី Mertens លេខ២៨របស់បែលហ្ស៊ិក នឹងត្រូវជួបជាមួយកីឡាការិនីរុស្ស៊ី ទាំង Anastasia Potapova ឬ Anastasia Pavlyuchenkova នៅជុំបន្ទាប់។

 ពេលវេលារបស់ Pegula នៅ Roland Garros មិនទាន់ចប់ទេ ខណៈដែលនាងឈានទៅប្រកួតក្នុងជុំទី ២ផ្នែកនារីប្រកួតជាគូជាមួយ Coco Gauff។ អ្នក ទាំង ពីរ បាន ឈាន ដល់ វគ្គ ផ្ដាច់ព្រ័ត្រ ក្នុង ឆ្នាំ ២០២២ ហើយ ឈាន ដល់ វគ្គ ពាក់ កណ្ដាលផ្ដាច់ព្រ័ត្រ ក្នុង ព្រឹត្តិការណ៍ Australian Open នៅ ដើម ឆ្នាំ នេះ។

 Pegula ដែល ការ ត្រៀម ខ្លួន សម្រាប់ French Open ត្រូវ បាន បង្អាក់ ដោយ សារ ការ ធ្វើមិនបានល្អ គឺ ជា គ្រាប់ ទី២១ដើម្បីធ្លាក់ចេញ ពី ការ ប្រកួត ឯកត្តជន នារី ក្នុង រយៈ ពេល៦ ថ្ងៃ នៃ ការ ប្រកួត។

 ការប្រកួតកាលពីថ្ងៃសុក្របានបង្ហាញពីថ្ងៃកាន់តែងាយស្រួលសម្រាប់កីឡាការិនីលំដាប់ទី២ពិភពលោកបេឡារូស Aryna Sabalenka ខណៈដែលនាងបានយកឈ្នះកីឡាការិនីរុស្ស៊ី Kamilla Rakhimova ក្នុងលទ្ធផល 6-2 6-2 យ៉ាងស្រួល។

 កីឡាការិនី Sabalenka ដែលជាម្ចាស់ជើងឯក Australian Open ក្នុងខែមករា នឹងប៉ះកីឡាការិនីអាមេរិក Sloane Stephens ឬYulia Putintseva របស់កាហ្សាក់ស្ថានក្នុងជុំទី៤។ រីឯកីឡាការិនីលេខ៩ Daria Kasatkina ក៏ធ្វើបានល្អផងដែរ ដែលធ្វើឱ្យនាងយកឈ្នះកីឡាករអាមេរិក Peyton Stearns ក្នុងជ័យជម្នះ 6-0 6-1។ កីឡាការិនីរុស្ស៊ីនឹងត្រូវជួបជាមួយមិត្តរួមជាតិ Anna Blinkova ឬ Elina Svitolina របស់អ៊ុយក្រែនបន្ទាប់ ៕ (រូបភាព ៖ BBC Sport)