គណៈកម្មការអឺរ៉ុបបានពន្យារការហាមប្រាមការនាំចូលគ្រាប់ធញ្ញជាតិអ៊ុយក្រែនទៅកាន់ប្រទេសចំនួនប្រាំនៃសហភាពអឺរ៉ុបរហូតដល់ពាក់កណ្តាលខែកញ្ញា។
ទីភ្នាក់ងារសារព័ត៌មាន PAP របស់ប្រទេសប៉ូឡូញបានរាយការណ៍ថា ការនាំចេញត្រូវបានហាមឃាត់ទៅកាន់ប្រទេសប៉ូឡូញ ស្លូវ៉ាគី ហុងគ្រី រូម៉ានី និងប៊ុលហ្គារី។ ការហាមប្រាមពីមុនបានបញ្ចប់នៅថ្ងៃចន្ទ ទី៥ ខែមិថុនា។
“EC បានពង្រីកការហាមឃាត់លើការនាំចូលស្រូវសាលី ពោត និងផ្កាឈូករ័ត្នពីអ៊ុយក្រែនរហូតដល់ពាក់កណ្តាលខែកញ្ញាឆ្នាំ2023 ។ ច្បាប់ហាមប្រាមចូលជាធរមានហើយជំនួសការហាមឃាត់ការនាំចូលឯកតោភាគីដែលដាក់ដោយបណ្តាប្រទេសដែលមានព្រំដែនជាមួយអ៊ុយក្រែនរួមទាំងប៉ូឡូញផងដែរ។
ការដាក់ទណ្ឌកម្មលើផលិតផលគ្រាប់ធញ្ញជាតិរបស់អ៊ុយក្រែន ពាក់ព័ន្ធតែការនាំចូលដោយផ្ទាល់ប៉ុណ្ណោះ ដែលអាចបន្តឆ្លងកាត់តាមបណ្តាប្រទេសដែលបានចុះបញ្ជី តាមផ្លូវទៅកាន់ប្រទេសដទៃទៀត។
ជាការណ៍ពិតណាស់ រដ្ឋាភិបាលអ៊ុយក្រែនប្រឆាំងនឹងការពន្យារការហាមឃាត់របស់អឺរ៉ុប ប៉ុន្តែទោះបីជាមានការគាំទ្រពីប្រធាន EC លោកស្រី Ursula von der Leyen ក៏ដោយ ក៏ការសម្រេចចិត្តនេះត្រូវបានធ្វើឡើង និងមិនអាចផ្លាស់ប្តូរបានទេ។
បញ្ហាគ្រាប់ធញ្ញជាតិអ៊ុយក្រែនបានក្លាយជានិមិត្តសញ្ញានៃ “កិច្ចព្រមព្រៀងនៅពីក្រោយឆាក” ជាយូរមកហើយ ជាពិសេសនៅពេលដែលមានការចោទប្រកាន់ជាច្រើនថាផ្លូវនៃផលិតផលកសិកម្មមិនដូចដែលបានសន្យា ហើយឈានដល់អ្នកដែលមិនគួរទទួលទានដោយរីករាយ។
រុស្ស៊ីបានព្រមានម្តងហើយម្តងទៀតថា ខ្លួននឹងបញ្ចប់កិច្ចព្រមព្រៀងគ្រាប់ធញ្ញជាតិជាមួយអ៊ុយក្រែន ប៉ុន្តែក្រោមសម្ពាធពីTürkiye អ្វីៗនៅតែបន្ត។ ទោះជាយ៉ាងណាក៏ដោយ ការផ្លាស់ប្តូរចុងក្រោយបំផុតពី EC គឺច្បាស់ណាស់ថា រដ្ឋាភិបាល Kyiv ប្រឈមមុខនឹងការលំបាកជាច្រើន៕ ដោយធីរីណា
រូបថត: GD&TĐ
