ភ្នំពេញៈ នៅថ្ងែទី១០ខែ​ មិថុនា ឆ្នាំ២០២៣ វេលាម៉ោង១ រំលងអាធ្រាត្រ កំលាំងល្បាតអធិការខណ្ឌចំការមន បានឃាត់ជនសង្ស័យម្នាក់ ពីបទរក្សាទុកសារធាតុញៀន នៅចំណុច ផ្លូវ ៥០៨ កែង ៩៩ ភូមិ ៥ សង្កាត់ផ្សារដើមថ្កូវ ខណ្ឌចំការមនរាជធានី​ភ្នំពេញ។

លោក ផន អូន អធិការរងទទួលផែនប្រឆាំងគ្រឿងញៀនបានប្រាប់អោយដឹងថា -ជនសង្ស័យឈ្មោះ អ៊ូ សារិទ្ធ ភេទ ប្រុស អាយុ ៣៨ឆ្នាំ មុខរបរ គ្មាន ស្នាក់នៅម្តុំផ្សារណាសុធី សង្កាត់ ចោមចៅ ១ ខណ្ឌពោធិសែនជ័យ រាជធានីភ្នំពេញ ។

-វត្ថុតាងដកហូត ក្រាម សថ្លា ចំនួន ១៩ កញ្ចប់ តូចៗ ៩កញ្ចប់ ធំល្មម ១០ កញ្ចប់ និងទូរសព្ទ័ដៃ ២គ្រ ម៉ាក សាំសុងទាំង ២គ្រ និងម៉ូតូ ១គ្រ ម៉ាក ប៊ិត ពណ៌ខៀវ ស ស្លាកលេខ ១CX ៦៩៨២ភ្នំពេញ។

បច្ចុប្បន្នជនសង្ស័យខាងលើជំនាញខណ្ឌ ប៉ុស្តិ៍ បានកសាងសំណុំរឿងបញ្ចូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនិតិវិធីច្បាប់៕ដោយ៖ ជីណា