ភ្នំពេញៈ រថយន្តម៉ាកLAND ROVER DEFENER មួយគ្រឿងបេីកលឿនមិនប្រយ័ត្នជ្រុលទៅបុកនិងកិនអូសម៉ូតូពីក្រោមបណ្ដាលឱ្យបុរស២នាក់រងរបួស។
ហេតុការណ៍នេះបានកេីតឡើងនៅវេលាម៉ោង១០និង៥០នាទីយប់ ថ្ងៃទី១៣ ខែមិថុនា ឆ្នាំ២០២៣ ជិតមន្ទីរពេទ្យរបេង ផ្លូវលេខ១០៥ កែងផ្លូវលេខ២៨៨ ក្នុងសង្កាត់បឹងកេងកងទី២ ខណ្ឌបឹងកេងកង។
តាមប្រភពព័ត៌មានពីកន្លែងកើតហេតុ បានអោយដឹងថា មុនពេលកេីតហេតុគេឃើញបុរស២នាក់បានជិះម៉ូតូហុងដាឌ្រីម ស៊េរីឆ្នាំ២០១៤ពណ៌ខ្មៅ ពាក់ស្លាកលេខ ភ្នំពេញ 1CC-6438 ធ្វើដំណើរតាមបណ្ដោយផ្លូវលេខ១០៥ក្នុងទិសដៅពីជើងទៅត្បូង លុះមកដល់ចំណុចកេីតដែលជាផ្លូវបំបែកជាបួនក៏ស្រាប់តែមានស្ត្រីម្នាក់ បានបេីករថយន្តស៊េរីទំនើបម៉ាក LAND ROVER DEFENDER ពណ៌ស្ករ ពាក់ស្លាកលេខ នគរបាល 2.7869 ធ្វើដំណើរតាមបណ្ដោយផ្លូវលខ២៨៨ក្នុងទិសដៅពីលិចទៅកេីតខ្វះការប្រុងប្រយ័ត្នក៏ជ្រុលទៅបុកនិងកិនអូសម៉ូតូពីក្រោមរថយន្ត ប្រហែល៥ម៉ែត្រ រងការខូចខាតជាខ្លាំង។
ក្នុងហេតុការណ៍នេះដែរក៏មានកម្លាំងសមត្ថកិច្ចបានចុះទៅដល់កេីតហេតុនិងបានឱ្យភាគីទាំងសងខាងសម្របសម្រួលគ្នា ដោយខាងម៉ូតូទាមទារសំណងថ្លៃការជួសជុលនិងព្យាបាលរបួសចំនួន៣០០០ដុល្លារ។
ក្រោយពេលកេីតហេតុ ដោយសារតែមានការសម្របសម្រួលពីសមត្ថកិច្ច ភាគីទាំងសងខាងបានបញ្ចប់រឿង ដោយខាងរថយន្តសងសំណងទៅខាងម៉ូតូចំនួន១៥០០ដុល្លារ ៕ 
ដោយ៖សុខាសែនជ័យ
