ភ្នំពេញ៖ ជនសង្ស័យ២នាក់ត្រូវបានសមត្ថកិច្ចនគរបាលព្រហ្មទណ្ឌខណ្ឌដូនពេញស្រាវជ្រាវឃាត់ខ្លួនក្រោយធ្វើសកម្មភាពលួច មានស្ថានទម្ងន់ទោស (ឆក់កាបូបស្ពាយ)កាលកាលពីម៉ោង២:៣០នាទីថ្ងៃទី 03 ខែមិថុនា ឆ្នាំ2023 ស្ថិតនៅចំណុចផ្លូវលេខ51 កែង262 ភូមិ២ សង្កាត់ចតុមុខ ខណ្ឌដូនពេញ។
ក្រោយពីសភាពការណ៍បានកើតឡើងភ្លាម កម្លាំងជំនាញយុត្តិធម៌ខណ្ឌ ប៉ុស្តិ៍បានចុះដក់កន្លែងកើតហេតុ ប្រមូលព័តមាន កសាងសាក្សី ពិនិត្យភិនភាគនិងមធ្យោបាយ ឈានដល់កំណត់បានមុខសញ្ញាសង្ស័យដែលកម្លាំងជំនាញបានចងក្រងសាវជាតិទុក នឹងបានដាក់កំលាំងយាមរយៈពេល១២ថ្ងៃ តាមតំបន់ដែលមុខសញ្ញាចេញចូលនឹងតែងប្រព្រឹត្តសកម្មភាព លុះដល់វេលាម៉ោង០១នឹង២៥នាទីរំលងអធ្រាត្រ ឈានចូលថ្ងៃទី១៥ ខែមិថុនា ឆ្នាំ២០២៣សមត្ថកិច្ចយើងក៏បានឃាត់ខ្លួនជនសង្ស័យទាំង០២រូបខាងលើនៅចំណុចតាមបណ្តោយផ្លូវ ព្រះសុរាមរិទ្ធិ កែង១៩ សង្កាត់ ចតុមុខ តែម្តង។
ចំពោះមុខ កម្លាំងខណ្ឌ ប៉ុស្តិ៍កំពុងប្រើប្រាស់វិធានការជំនាញជាន់យកចម្លើយ បន្តរកបក្ខពួក និងសកម្មភាពដែលសមាសភាពខាងលើបានប្រព្រឹត្តកន្លងមក។
សមត្ថកិច្ចនគរបាលខណ្ឌដូនពេញបានឲ្យដឹងថាជនសង្ស័យ
ទី១.ឈ្មោះ សារិត ភក្តី ហៅក្តី អាយុ១៩ឆ្នាំ មានទីលំនៅ និងមុខរបរ មិនពិតប្រាក (អ្នកធ្វេីសកម្មភាពឆក់)
ទី២. ឈ្មោះ អែម បញ្ញា ហៅ អាញ្ញា អាយុ១៨ឆ្នាំ មានទីលំនៅ និងមុខរបរ មិនពិតប្រាកដ (ជាអ្នកបេីកម៉ូតូ)
បច្ចុប្បន្នជនសង្ស័យទាំងពីរនាក់កំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌដូនពេញដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕
ដោយ:ជ្រោយពេជ្រ
