ខេត្តព្រះសីហនុ៖ គិតត្រឹមថ្ងៃទី១៦ ខែមិថុនា ឆ្នាំ ២០២៣ នគរបាលក្រុងព្រះសីហនុបានចាប់ខ្លួនជន សង្ស័យចំនួន១២នាក់ហើយ ក្នុងចំណោមជនសង្ស័យមួយក្រុមប្រហែល៣០នាក់ ដែលបង្កហិង្សាកាប់ជន រងគ្រោះម្នាក់បណ្តាលឱ្យស្លាប់ ពេលបញ្ជូនទៅមន្ទីរពេទ្យ។
នគរបាលក្រុងព្រះសីហនុប្រាប់បន្ថែមថា សមត្ថកិច្ចកំពុងស្រាវជ្រាវតាមចាប់ខ្លួនបក្ខពួកមួយចំនួនទៀតដែលកំពុងរត់គេចខ្លួន។
គួរបញ្ជាក់ថា យោងតាមរបាយការណ៍ពីស្នងការដ្ឋាននគរបាលខេត្តព្រះសីហនុឱ្យដឹងថា ហេតុការណ៍ហិង្សានេះកើតឡើងកាលពី ម៉ោងជិត៤ទៀបភ្លឺ ថ្ងៃទី១២មិថុនា ២០២៣នៅមុខ កាស៊ីណូយ៉ាព័រ ស្ថិតនៅក្រុមទី១០ ភូមិ២ សង្កាត់លេខ៣ ក្រុងព្រះសីហនុ ខេត្តព្រះសីហនុ។ជនរងគ្រោះដែលស្លាប់មានឈ្មោះ ស៊ាន ប៊ឺត ភេទ ប្រុស២០ឆ្នាំ ជនជាតិខ្មែរ មុខរបរ កម្មករកាប៉ាល់ មានទីលំនៅភូមិ៣ សង្កាត់លេខ១ ក្រុង- ខេត្តព្រះសីហនុ។
ជុំវិញសាវតានៃករណីហិង្សានេះ បើតាមរបាយការណ៍ពីស្នងការដ្ឋាននគរបាលខេត្តព្រះសីហនុបញ្ជាក់លម្អិតថា អំពើហិង្សាមានស្ថានទម្ងន់ទោសមួយនេះបង្កដោយជនសង្ស័យមួយក្រុមមានគ្នាប្រហែល ៣០នាក់ដោយ មធ្យោបាយ ម៉ូតូជិត២០គ្រឿង បានធ្វើសកម្មភាពកាប់និងវ៉ៃ លើជនរងគ្រោះមួយរូប ជនជាតិខ្មែរ មុខរបរ កម្មករកាប៉ាល់ មានទីលំនៅភូមិ៣ សង្កាត់លេខ១ ក្រុង- ខេត្តព្រះសីហនុ បណ្ដាលឲ្យរងរបួសបែកលើចិញ្ចើមនិងកាប់ត្រូវក្បាល ចំហៀងខាងស្តាំ។
មុនពេលកើតហេតុជនរងគ្រោះអង្គុយលេងជាមួយមិត្តមិត្តភក្តិនៅកន្លែងកើតហេតុមានគ្នា៦នាក់ស្រី៣នាក់ ហើយ ក្រុមជនសង្ស័យជិះម៉ូតូមកឃើញជិះទៅហួសកន្លែងជន រងគ្រោះបានបន្តិច រួចជិះត្រឡប់មកវិញដល់ កន្លែងជន រងគ្រោះអង្គុយ ក៍នាំគ្នាចុះមកកាប់និងវ៉ៃទៅលើជនរង គ្រោះនិងមិត្តភក្តិ។ ពេលនោះជនរងគ្រោះបាននាំគ្នារត់ តែរត់មិនទាន់ ត្រូវជនសង្ស័យកាប់ចំតែម្តង។
បច្ចុប្បន្ន ក្រុមជនសង្ស័យដែលត្រូវបានសមត្ថកិច្ចចាប់ ខ្លួននឹងចាត់ការបញ្ជូនទៅផ្តន្ទាទោសតាមនីតិវិធី៕
