ខេត្តស្វាយរៀង: មានករណីគ្រោះថ្នាក់ចរាចរណ៍គួអោយរន្ធត់បណ្ដាលអោយបុរសដែលជាបុគ្គលិកកាស៊ីណូម្នាក់ស្លាប់រវាងម៉ូតូបុកជាមួយរថយន្ត ឈប់ចតនៅលើថ្នល់ពុំដាក់ភ្លើង ឬ ផ្លាកសញ្ញាអោយបានត្រឹមត្រូវ នៅក្រុងបាវិត។

ហេតុការណ៍នេះបានកើតឡើងកាលពីវេលាម៉ោង១និង៩នាទី ថ្ងៃទី ២៨ ខែ មិថុនា ឆ្នាំ ២០២៣ លើផ្លូវជាតិលេខ១ ចន្លោះគីឡូម៉ែត្រលេខ ១៦៤-១៦៥ ស្ថិតក្នុងភូមិបាវិតលើ សង្កាត់បាវិត ក្រុងបាវិត ខេត្តស្វាយរៀង។

យោងតាមសមត្ថកិច្ចនគរបាលបានអោយដឹងថាបុសដែលស្លាប់មានឈ្មោះ សុីវិន្ថា សុីវិនជា  អាយុ ១៩ ឆ្នាំ ជនជាតិខ្មែរ មុខរបរបុគ្គលិកកាសុីណូ មានទីលំនៅភូមិតាពៅ សង្កាត់បាវិត ក្រុងបាវិត ខេត្តស្វាយរៀង
ជិះម៉ូតូម៉ាក HONDA C125 ព៌ណខ្មៅ ពាក់ស្លាកលេខ ពោធិសាត់ 1A-8144។

ចំណែកអ្នកបើករថយន្តមិនត្រូវបានស្គាល់អត្តសញ្ញាណនោះទេក្រោយកើតហេតុបានបើករថយន្តគេចខ្លួន យកមកលាក់ទុកនៅខាងលិចតំបន់សេដ្ឋកិច្ចពិសេស តាយ សេង លើផ្លូវជាតិលេខ១ ស្ថិតនៅភូមិតាបឹប សង្កាត់បាវិត ក្រុងបាវិត ខេត្តស្វាយរៀង ។

តាមសមត្ថកិច្ចបញ្ជាក់ទៀតថាមុនកើតហេតុមានប្រសម្នាក់បានបើកម៉ូតូមួយគ្រឿងម៉ាក HONDA C125 ព៌ណខ្មៅ ពាក់ស្លាកលេខ ពោធិសាត់ 1A-8144ដោយធ្វើដំណើរពីកើតទៅលិច លើផ្លូវជាតិលេខ១ខណះនោះស្រាប់តែទៅបុកនិងរថយន្តមួយគ្រឿងម៉ាកHYUNDAI ពណ៏ទឹកប៊ិច ពាក់ស្លាកលេខ ភ្នំពេញ 3F-5441 ដែលឈប់ចតនៅលើថ្នល់ ពុំដាក់ភ្លើង ឬ ផ្លាកសញ្ញាអោយបានត្រឹមត្រូវ យ៉ាងពេញទំហឹងបង្កការភ្ញាក់ផ្អើលតែម្ដង។

ក្រោយកើតហេតុបុរសរងគ្រោះត្រូវបានដឹកមកដាក់លើ Pass up ពេលដឹកទៅមន្ទីរពេទ្យសោភណ្ឌអូរវ៉ាងប៉ុន្តែដោយរបួសធ្ងន់ពេកក៏ស្លាប់គួរអោយអាសូរ។
សាកសពត្រូវបានប្រគល់ទៅអោយក្រុមគ្រួសារយកទៅធ្វើបុណ្យតាមប្រពៃណី ៕ ដោយ៖សុថាន