ខេត្តមកកំពង់ស្ពឺ÷ បុរសម្នាក់បានស្លាប់ភ្លាមៗនៅនឹងកន្លែងដោយជួបគ្រោះថ្នាក់ចរាចរណ៍រវាងរថយន្តនិងម៉ូតូ។ ស្ថិតនៅតាមបណ្តោយផ្លូវជាតិលេខ៤៤ចន្លោះគីឡូម៉ែត្រលេខ៥-៦ត្រង់ចំណុចភូមិតាម៉ុល សង្កាត់ច្បារមន ក្រុងច្បារមន ខេត្តកំពង់ស្ពឺកាលពីវេលាម៉ោង៩យប់ថ្ងៃទី១០ខែកក្កដាឆ្នាំ២០២៣។

នគរបាលមូលដ្ឋានបានឲ្យដឹងថាមុនកើតហេតុ
មានរថយន្តមួយគ្រឿងម៉ាកសាំងយ៉ុងពណ៍សពាក់ស្លាកលេខភ្នំពេញ2BG-4951  បើកពីលិចទៅកើតបើកបរដោយឈ្មោះផល សុខជា ភេទប្រុសអាយុ២២ឆ្នាំរស់នៅភូមិកោះរុន ឃុំតាសាល ស្រុកឧរ៉ាល់ លុះមកដល់ចំណុចើតហេតុខាងលើ។
បានបុកម៉ូតូមួយគ្រឿងម៉ាកហុងដាពណ៍ខ្មៅពាក់ស្លាកលេខកំពង់ស្ពឺ1M-2586បើកពីកើតទៅលិចបើកបរដោយជនរងគ្រោះឈ្មោះ ពាំង ណាន់ ភេទប្រុសអាយុ២៨ឆ្នាំរស់នៅភូមិឯកភាព ឃុំខ្ទុំក្រាំង ស្រុកសំរោងទង ពេញទំហឹងបណ្តាលឲ្យស្លាប់នៅកន្លែងកើតហេតុ។
ប្រភពបានបន្តទៀតថាក្រោយកើតហេតុអ្នកបើបររថយន្តបានឈប់រថយន្តហើយចុះរត់គេចខ្លួនបាត់ស្រមោល។
សពជនរងគ្រោះបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី
ចំណែកវត្ថុតាងបានយកមករក្សារទុកនៅការិយាល័យចរាចរណ៍ខេត្តកំពង់ស្ពឺដើម្បីដោះស្រាយតាមនិតិវិធី៕ ដោយ÷ចន្ទ លីហ្សា