អតីតខ្សែការពារក្រុមមេឃខៀវ Manchester City កីឡាករ Benjamin Mendy បានចុះហត្ថលេខាជាមួយក្រុម Lorient របស់Ligue 1 គឺ៥ថ្ងៃបន្ទាប់ពីត្រូវបានជម្រះក្តីពាក់ព័ន្ធនឹងការរំលោភផ្លូវភេទ។

 ខ្សែការពារឆ្វេងវ័យ២៩ឆ្នាំដែលកិច្ចសន្យារបស់ Man City ផុតកំណត់នៅរដូវក្តៅនោះ បានចុះកិច្ចសន្យារយៈពេល២ឆ្នាំជាមួយក្លិបបារាំង។ គាត់ត្រូវបានជម្រះក្តីនៅតុលាការ Chester Crown កាលពីថ្ងៃសុក្រពីបទរំលោភស្ត្រីម្នាក់ និងប៉ុនប៉ងរំលោភមួយផ្សេងទៀត។ ករណីនោះ បាន ធ្វើ ឡើង បន្ទាប់ ពី ការ កាត់ ទោស កាល ពី ខែ មករា នៅ ពេល ដែល Mendy ត្រូវ បានកាត់ទោស ពី ការ ប៉ុនប៉ងចាប់ រំលោភ ចំនួន៦ ករណី និង ការ រំលោភ ផ្លូវ ភេទ ១។

 Mendy បាន ក្លាយ ជា ខ្សែ ការពារ ថ្លៃ បំផុត របស់ ពិភពលោក នៅ ពេល Man City បាន ចំណាយ ប្រាក់ ៥២ លាន ផោន ដល់Monaco ដើម្បី ចុះ ហត្ថលេខា លើ ខ្សែ ការពារ សញ្ជាតិ បារាំង ក្នុង ឆ្នាំ២០១៧។

 លោក Txiki Begiristain នាយកកីឡាបាល់ទាត់របស់ Man City បានពណ៌នាគាត់ថា ជាខ្សែការពារដ៏ឆ្នើមម្នាក់របស់ពិភពលោកនៅពេលដែលខ្សែការពារដែលមានចំណាត់ថ្នាក់ខ្ពស់បានចូលរួមជាមួយក្លិប។ គាត់បានជួយក្រុមឈ្នះ Premier League ក្នុងរដូវកាលដំបូងរបស់គាត់ជាមួយ Man City មុនពេលដែលជាផ្នែកមួយនៃក្រុមបារាំងដែលបានឈ្នះពានរង្វាន់ World Cup 2018 នៅប្រទេសរុស្ស៊ីផងដែរ។

 ទោះបីជាយ៉ាងណាក៏ដោយ គាត់បានលេងបាល់ទាត់ប្រកួតប្រជែងចុងក្រោយនៅក្នុងខែសីហា ឆ្នាំ២០២១ ដោយបង្ហាញខ្លួនឱ្យMan City នៅពេលប៉ះក្រុម Tottenham Hotspur ។

 Mendy ត្រូវ បាន ចាប់ ខ្លួន នៅ ពេល ក្រោយ ក្នុង ខែ នោះ ហើយ ត្រូវ ឃុំ ខ្លួន ក្នុង មន្ទីរ ឃុំឃាំង រយៈពេល៥ ខែ មុន នឹង ទៅកាត់ ទោស ជា លើក ដំបូង កាល ពី ខែ សីហា។ ចៅក្រមមិនបានសម្រេចសាលក្រមលើករណីរំលោភសេពសន្ថវៈ និងប៉ុនប៉ងរំលោភសេពសន្ថវៈចំនួន២ទេដែលជំរុញឱ្យមានការជំនុំជម្រះឡើងវិញ ហើយគាត់ត្រូវបានដោះលែងកាលពីសប្តាហ៍មុន។

 បន្ទាប់ពីគាត់ត្រូវបានដោះលែង កីឡាករល្បីៗជាច្រើនរួមទាំងខ្សែប្រយុទ្ធហូឡង់ Memphis Depay និងខ្សែប្រយុទ្ធ Vinicius Jr របស់ Real Madrid បានបង្ហាញការគាំទ្ររបស់ពួកគេចំពោះ Mendy នៅលើប្រព័ន្ធផ្សព្វផ្សាយសង្គម។

 ក្លិប Lorient ដែលបានបញ្ចប់ក្នុងចំណាត់ថ្នាក់លេខ១០ក្នុង Ligue 1 កាលពីរដូវកាលមុនបានប្រកាសពីការវិលត្រឡប់របស់Mendy ទៅកាន់បាល់ទាត់បារាំងនៅក្នុងសេចក្តីថ្លែងការណ៍មួយថា “Benjamin Mendy ម្ចាស់ជើងឯកពិភពលោកឆ្នាំ២០១៨។កីឡាករូបនេះបានជួយក្រុម Manchester City ឈ្នះ Premier League ៤ដង និងម្ចាស់ជើងឯក Ligue 1 របស់បារាំងពេលលេងជាមួយ Monaco ហើយគាត់មកដើម្បីពង្រឹងកម្លាំងការងាររបស់ក្រុម Lorient សម្រាប់រដូវកាលថ្មីនេះ។

 ក្លិបបារាំង Lorient នឹងប្រកួតជាមួយក្រុម Bournemouth ក្នុងការប្រកួតមិត្តភាពមុនបើករដូវកាលនៅថ្ងៃទី៥ ខែសីហា ហើយនឹងចាប់ផ្តើមយុទ្ធនាការលីករបស់ពួកគេនៅក្លិបជើងឯក Paris St-Germain នៅថ្ងៃទី១៣ ខែសីហា ៕ (រូបភាព ៖ BBC Sport)