ភ្នំពេញ៖ បុរសម្នាក់ជាជនអនាថាត្រូវបានគេប្រទះឃេីញដេកស្លាប់សង្ស័យខ្យល់គនៅក្នុងបរិវេណតារាងបាល់ទះមួយកន្លែង ភូមិចោមចៅទី២ សង្កាត់ចោមចៅទី២ ខណ្ឌពោធិ៍សែនជ័យ កាលពីវេលាម៉ោង១និង៣០នាទីរសៀល ថ្ងៃទី៨ ខែសីហា ឆ្នាំ២០២៣នេះ។
ជនរងគ្រោះភេទប្រុសមិនស្គាល់ឈ្មោះច្បាស់នោះទេគ្រាន់តែដឹងថា គេហៅថា អាតឿៗ វ័យប្រហែលជិត៣០ឆ្នាំ ស្នាក់នៅក្នុងសមាគមន៍លៀសហាង តំបន់មិនរាបរយ ក្រោយវត្តគោកបញ្ជាន់ ភូមិចោមចៅទី៣ សង្កាត់ចោមចៅទី២ ខណ្ឌពោធិ៍សែនជ័យ។
តាមប្រភពព័ត៌មានពីស្ត្រីម្នាក់ជាម្ចាស់តារាងបាល់ទះបានឱ្យ ជនរងគ្រោះតែងតែមកមេីលគេលេងបាលទះជាញឹកញាប់ដែរ ហេីយមុនពេលកេីតហេតុរូបគាត់បានទិញបាយឱ្យហូបនិងឱ្យចេញពីន្លែងណឹងទៅតែជនរងគ្រោះមិនទៅណាទាំងអស់ ក៏អង្គុយលេងនៅក្បែរតារាងបាល់ បន្ទាប់មកស្រាប់តែដេកត្រដរខ្យល់ស្លាប់បាត់ទៅទេីបរាយការណ៍ទៅសមត្ថកិច្ចចុះពិនិត្យជាក់ស្តែង។
ក្រោយទទួលព័ត៌មានភ្លាមកម្លាំងសមត្ថកិច្ចមូលដ្ឋានបានចុះទៅដល់កន្លែងកេីតហេតុនិងធ្វេីការស្រាវជ្រាវរកសាច់ញាតិដេីម្បីប្រគល់យកទៅធ្វេីបុណ្យតាមប្រពៃណី៕
ដោយ៖សុខាសែនជ័យ
