ខេត្តស្វាយរៀង៖ បុរសកម្មកររោងចក្រម្នាក់បានស្លាប់នឹងកន្លែងដោយសារករណីគ្រោះថ្នាក់ចរាចរណ៍គួរអោយរន្ឌត់រវាងអ្នកបើកត្រាកទ័រគូបូតា ដឹកគ្រែមិនប្រកាន់ស្ដាំបុកម៉ូតូបញ្ច្រាស់គ្នាពេញទំហឹងបង្កការភ្ញាក់ផ្អើលទាំងយប់។
ហេតុការណ៍នេះបានកើតឡើងកាលពីវេលាម៉ោង
៦និង២៧នាទីយប់ថ្ងៃទី២០ ខែសីហា ឆ្នាំ ២០២៣ នៅលើផ្លូវជាតិលេខ៣១៦ ស្ថិតនៅចំណុចភូមិព្រៃស្ទៀង ឃុំស្វាយតាយាន ស្រុកកំពង់រោទិ៍ ខេត្តស្វាយរៀង។
យោងតាមសមត្ថកិច្ចនគរបាលស្រុកបានអោយដឹងថាបុរសរងគ្រោះមានឈ្មោះ
នៅ សុជាតិ អាយុ ២៨ឆ្នាំ មុខរបរកម្មកររោងចក្រ មានទីលំនៅភូមិថ្នល់ជាតិ សង្កាត់ច្រកម្ទេស ក្រុងបាវិតខេត្តស្វាយរៀង ។
ចំណែកអ្នកបើកត្រាកទ័រគូបូតាមិនត្រូវបានស្គាល់ឈ្មោះនោះទេក្រោយបង្កហេតុ ឃើញសភាពការណ៏មិនស្រួលបានរត់គេចខ្លួនបាត់ស្រមោល។
តាមសាក្សីបានអោយដឹងថាមុនកើតហេតុមានបុរសម្នាក់បានបើក ត្រាកទ័រគូបូតា M6040su ពណ៌ក្រហម សណ្ដោងរឺម៉កដឹកគ្រែ ក្នុងទិសដៅពីជើងទៅត្បូងបើកបរមិនប្រកាន់ស្តាំ នៅលើផ្លូវជាតិលេខ៣១៦ ស្រាប់តែមានបុរសម្នាក់ជិះម៉ូតូមួយគ្រឿងម៉ាក suzukiviva ពណ៌ខ្មៅក្រហម ផលិតឆ្នាំ ២០១៩ ពាក់ស្លាកលេខ ស្វាយរៀង ១N-៨៣៦៥ ក្នុងទិសដៅបញ្ច្រាស់គ្នាដោយបុកយ៉ាងពេញទំហឹងបង្កការភ្ញាក់ផ្អើលដល់អ្នកភូមិទាំងយប់។
ក្រោយកើតហេតុ សមត្ថកិច្ចបានមកដល់ធ្វើការវាស់វែងនិងអូសយកម៉ូតូនិងត្រាក់ទ័រមករក្សាទុកនៅប៉ុស្តិ៍នគរបាលរដ្ឋបាលឃុំស្វាយតាយានដើម្បីដោះស្រាតាមច្បាប់ ចំណែសព សមត្ថកិច្ចបានប្រគល់អោយក្រុមគ្រួសារយកទៅធ្វើបុណ្យតាមប្រពៃណីទាំងក្ដុកក្ដួលបំផុត៕
ដោយ៖សុថាន
