ខេត្តប៉ៃលិន÷ នគរបាលក្រុងប៉ៃលិបានឱ្យ
ដឹងថា កាលពីថ្ងៃទី២៣ ខែសីហា ឆ្នាំ២០២៣ វេលាម៉ោង១៥ និង០០នាទី កម្លាំងផែនប្រឆាំងគ្រឿងញៀន នៃអធិការដ្ឋាននគរបាលក្រុងប៉ៃលិន ចុះល្បាតតាមភូមិសាស្ត្រក្នុងមូលដ្ឋានក្រុងប៉ៃលិន ល្បាតដល់ចំណុចឡូបី ស្ថិតនៅភូមិអូរប្រេីស សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ក៏ប្រទះឃើញមុខសញ្ញាគួរឱ្យសង្ស័យចំនួន០១នាក់ ឈ្មោះ ជឹម ជឿន ភេទប្រុស អាយុ៤២ឆ្នាំ មុខរបរមិនពិតប្រាកដ រស់នៅភូមិអូរប្រេីស សង្កាត់អូរតាវៅ ក្រុងប៉ៃលិន ខេត្តប៉ៃលិន ឃាត់សួរនាំ និងឆែកឆេរលើដងខ្លួនរកឃេីញថ្នាំញៀនប្រភេទម៉ាទឹកកកចំនួន០១កញ្ចប់តូច។
សមត្តកិច្ចនគរបាលជំនាញបានបន្តថា
តាមការឆ្លើយរបស់ជនសង្ស័យខាងលេី បានឆ្លើយសារភាពថា ថ្នាំញៀន ដែលសមត្ថកិច្ចឆែរឆេររកឃេីញ គឺខ្លួនបានទិញពីឈ្មោះ ខុន ស្រីអែម ភេទស្រី នៅចំណុចឡូពីរ ស្ថិតនៅភូមិអូរប្រេីស សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
សមតកិច្ចជំនាញបាបន្តទៀតថា ក្រោយពីទទួលបានការអនុញ្ញាតនិងគោលការណ៍ណែនាំដ៏ខ្ពង់ខ្ពស់ពីលោកឧត្ដមសេនីយ៍ទោ សេង សុគន្ធ ស្នងការនគរបាលខេត្តប៉ៃលិន និងដោយមានការសម្របសម្រួលនីតិវិធីពីឯកឧត្ដម សេង គីមឡាក់ ព្រះរាជអាជ្ញា នៃអយ្យការអមសាលាដំបូងខេត្តប៉ៃលិន ចាត់តាំងលោក ហេង ថៃផេង ព្រះរាជអាជ្ញារង នៃអយ្យការអមសាលាដំបូងខេត្តប៉ៃលិន ដឹកនាំកម្លាំងផែនប្រឆាំងគ្រឿង នៃអធិការដ្ឋាននគរបាលក្រុងប៉ៃលិន ចុះបង្ក្រាបជាក់ស្ដែងឃាត់ខ្លួនជនសង្ស័យចំនួន០១នាក់ ឈ្មោះ ខុន ស្រីអែម ភេទស្រី អាយុ២១ឆ្នាំ មុខរបរមិនពិតប្រាកដ រស់នៅភូមិអូរប្រេីស សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
-ឆែកឆេរក្នុងគេហដ្ឋានរបស់ជនសង្ស័យរកឃេីញដូចខាងក្រោម៖
១-ជញ្ជីងថ្លឹងថ្នាំញៀន ០១គ្រឿង។
២-ថង់សម្រាប់វិចខ្ចប់ថ្នាំញៀន ០១ដុំ។
៣-កាំភ្លេីងឆ្នៃ ០៣ដេីម(កាំភ្លើងឆ្នៃខ្លី០១ដេីម)។
-នាំមកកាន់ អធិការដ្ឋាននគរបាលក្រុងប៉ៃលិន ដេីម្បីធ្វើការសាកសួរ៖
I-ឃាត់ខ្លួនជនសង្ស័យសរុបរួមចំនួន០២នាក់ ស្រី០១នាក់ មានឈ្មោះដូចខាងក្រោម៖
១-ឈ្មោះ ជឹម ជឿន ភេទប្រុស អាយុ៤២ឆ្នាំ មុខរបរមិនពិតប្រាកដ រស់នៅភូមិអូរប្រេីស សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន មានផ្ទុកសារធាតុញៀន(+)។
២-ឈ្មោះ ខុន ស្រីអែម ភេទស្រី អាយុ២១ឆ្នាំ មុខរបរមិនពិតប្រាកដ រស់នៅភូមិអូរប្រេីស សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន មិនមានផ្ទុកសារធាតុញៀន(-)។
II-វត្ថុតាងដកហូតសរុបរួមមាន៖
១-ម្សៅក្រាមពណ៌សថ្លា(សង្ស័យម៉ាទឹកកក)ចំនួន០១កញ្ចប់តូច ទម្ងន់០,២០ក្រាម ថ្លឹងទាំងសំបកថង់។
២-ជញ្ចីងថ្លឹងថ្នាំញៀន ចំនួន០១គ្រឿង។
៣-ថង់សម្រាប់វេចខ្ចប់ថ្នាំញៀន ចំនួន០១ដុំ។
៤-ទូរស័ព្ទដៃម៉ាកoppo ពណ៌ក្រហម ចំនួន០១គ្រឿង។
៥-ម៉ូតូម៉ាកhonda dream ពណ៌ខ្មៅ សេរីចាស់ ពាក់ផ្លាកលេខបាត់ដំបង1k-0620 ចំនួន០១គ្រឿង។
៦-កាំភ្លេីងឆ្នៃចំនួន០៣ដេីម(កាំភ្លើងឆ្នៃខ្លី០១ដេីម)។
៧-កាណុងកាំភ្លេីងឆ្នៃចំនួន០២ដេីម។
៨-គ្រាប់កង់ចំនួន០១ប្រអប់។
៩-សម្ភារ:សម្រាប់ជក់គ្រឿងញៀនមួយចំនួន។
-ករណីខាងលើនេះ លោកអធិការក្រុងប៉ៃលិនលោកបានស្នើសុំយោបល់លោក ស្នងការ ដើម្បីឃាត់ខ្លួនជនសង្ស័យខាងលើ រួមទាំងវត្ថុតាង នៅអធិការដ្ឋាននគរបាលក្រុងប៉ៃលិន ដើម្បីអនុវត្តនីតិវិធី៕
ដោយ៖ ស សារ៉េត
