ខេត្តសៀមរាប ៖ ក្នុងខេត្តសៀមរាបដូចគ្នា ប៉ុន្តែនៅជាប់បឹងទន្លេសាបមានក្មេងស្រីម្នាក់តស៊ូជិះគំនរសំរាមលាយស្នោទៅសាលារៀន ប្រថុយនឹងគ្រោះថ្នាក់គ្រប់ពេល ។
រីឯនៅស្រុកសូទ្រនិគម មានក្មេងសិស្សសាលាមួយចំនួន (គេចសាលា) មិនចូលរៀន នាំគ្នាទៅពពាក់ពពូនតាមក្យូសអង្គុយលេងហ្គេម លេងទូរស័ព្ទនិងជុំគ្នានិយាយលេងទៅវិញ ត្រូវសមត្ថកិច្ចឃាត់ខ្លួនយកមកអប់រំ រួចប្រគល់អោយឪពុកម្តាយ អាណាព្យាបាលអប់រំបន្ត ។
សូមជម្រាបជូនថា ៖ ករណីក្មេងស្រីនៅស្រុកពួក ខេត្តសៀមរាបដែលតស៊ូជិះ (គំនរសំរាមលាយស្នោ) ទៅសាលារៀន ប្រថុយប្រថាននឹងគ្រោះថ្នាក់គ្រប់ពេលនោះ ត្រូវបានអ្នកនិយមលេងតាមបណ្តាញទំនាក់ទំនងសង្គម ហ្វេសប៊ុក បង្ហោះព្រោងព្រាត ព្រោះនាងត្រូវបានគេមើលឃើញថា គ្រួសារនាងមានភាពលំបាក ហើយស្រឡាញ់ទឹកចិត្តប្រជាពលរដ្ឋខ្មែរយើងសម័យបច្ចប្បន្ននេះ ចេះជួយគ្នាក្នុងគ្រាលំបាក បន្ទាប់ពីមានការចែករំលែកព័ត៌មានពាក់ព័ន្ធនឹងក្មេងស្រីដែលតស៊ូរៀនសូត្រ គ្រាដែលឪពុកមានមុខរបរដាក់មង រើសខ្យងតាមបឹងទន្លេសាប ហើយម្តាយមើលកូនតូចៗ២នាក់ទៀត ដែលផ្ទះរស់នៅលើទឹកខួបប្រាំង ខួបវស្សា។
ពាក់ព័ន្ធករណីនេះ អភិបាលខេត្តសៀមរាបស្តីទី លោក ប្រាក់ សោភ័ណ បានថ្លែងប្រាប់អ្នកសារព័ត៌មាននៅព្រលប់ថ្ងៃសុក្រ ទី១ ខែកញ្ញា ឆ្នាំ២០២៣ ម្សិលមុិញថា ៖ លោកបានឃើញព័ត៌មានពីករណីកុមារីជិះស្នោលើទឹកទៅរៀនហើយ។ លោកបញ្ជាក់ថា នឹងចាត់ក្រុមការងារចុះទៅជួបកុមារីរូបនេះនៅថ្ងៃស្អែកទី២ ខែកញ្ញា ដើម្បីមើលស្ថានភាពនិងជួយឧបត្ថម្ភផងដែរ គឺព្រឹកនេះ ! ។
បើតាមបណ្ដាញសង្គមហ្វេសប៊ុកបានបង្ហោះថា ក្មួយស្រីឈ្មោះ គន្ធា អាយុ៨ឆ្នាំ រៀនថ្នាក់ទី១ រស់នៅក្នុងស្រុកពួក ខេត្តសៀមរាប លើផ្ទៃបឹងទន្លេសាប ដែលត្រូវជិះស្នោនិងសំរាមទៅរៀនមានចម្ងាយពីផ្ទះទៅសាលាប្រហែល១គីឡូម៉ែត្រ ដោយឪពុកជាប់ទៅធ្វើការ ខណៈម្ដាយមានកូនតូចៗចំនួន២នាក់ផ្សេងទៀត ដែលត្រូវមើលថែ ដែលកុមារីរូបនេះត្រូវបង្ខំចិត្តទៅរៀនជិះស្នោលាយសំរាមឆ្លងទឹកតែម្នាក់ឯង។
ក្មួយស្រីគន្ធាពិតជាតស៊ូខ្លាំងណាស់ ដេីម្បីអនាគតខាងមុខ ខណៈដែលឪពុករបស់នាងនិយាយថា ទោះបីពួកគាត់ក្រក៏ដោយ ក៏យ៉ាងហោចណាស់ពួកគាត់ចង់អោយកូនរៀនបានដល់ថ្នាក់ទី១២ ជាប់បាក់ឌុបដែរ ។
ពេលនេះក្មួយស្រីគន្ធារស់នៅក្នុងជីវភាពធូរស្រាលបន្តិចហើយ បន្ទាប់ពីមានសប្បុរសជនជាច្រើនបានជួយឧបត្ថម្ភ ហើយក្តីស្រមៃចង់បានទូកនោះក៏បានដូចបំណងផងដែរ ។ អ្វីដែលសំខាន់នោះគឺក្មេងសិស្សសាលានៅស្រុកសូទ្រនិគម មួយចំនួនតូចដែលគេចសាលានាំគ្នាប្រមូលផ្តុំលេងហ្គេម តាមផ្ចុះនោះគឺឈានដល់សមត្ថកិច្ច អាជ្ញាធរប្រមូលយកមកអប់រំ ៕
ដោយ ៖ សិលា
