ភ្នំពេញ ៖ រថយន្តឃ្លុបដឹកទឹកកកមួយគ្រឿង ដោយតៃកុងងោកមួយភាំងក៏រេចង្កូតជ្រុលទៅបុកបង្គោលភ្លេីងមួយដេីមរងការខូចខាត រីឯទឹកកកក្នុងរថយន្តបានខ្ចាយចេញមកក្រៅពេញផ្លូវ ។ ហេតុការណ៍គ្រោះថ្នាក់ចរាចរណ៍ខាងលេីនេះបានកេីតឡេីងកាលពីវេលាម៉ោង៤ និង៣០នាទីទាបភ្លឺ ថ្ងៃទី៤ ខែកញ្ញា ឆ្នាំ២០២៣ នៅតាមបណ្ដោយផ្លូវម៉ៅសេទុង ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
យោងតាមសម្ដីតៃកុងរថយន្តបង្កម៉ាក ហុីយ៉ាន់ដាយ ប្រភេទរថយន្តឃ្លុប ពណ៌ស ពាក់ផ្លាកលេខភ្នំពេញ 2AT-7457 បានធ្វេីដំណេីរតាមបណ្ដោយផ្លូវម៉ៅសេទុង ទិសដៅពីលិចមកកេីត ខណៈមកដល់ចំណុចេីតហេតុ ដោយងោកមួយភាំងក៏រេចង្កូតមកស្ដាំដៃជ្រុលបុកបង្គោលភ្លេីងបំភ្លឺផ្លូវមួយដេីមរងការខូចខាតតិចតួច និងធ្វេីឱ្យខ្ទាតទឹកកកចេញពីរថយន្តមកក្រៅបែបនេះ តែមិនបង្កគ្រោះថ្នាក់ដល់នរណាម្នាក់នោះឡេីយ ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ សហការជាមួយជំនាញចរាចរណ៍ខណ្ឌចុះមកធ្វេីការវាស់វែងយករថយន្តបង្កទៅរក្សាទុកនៅអធិការដ្ឋាននគរបាលខណ្ឌចំការមន ជាបណ្ដោះអាសន្ន រង់ចាំដោះស្រាយតាមក្រោយ ៕
ដោយ ៖ ភារ៉ា ដង្កោ
