ភ្នំពេញ : សំណុំរឿង ករណី អ្នកគ្រូពេទ្យ អយ ឆវឌ្ឍនី ដែលប្រេីហឹង្សា ( ទះកំផ្លៀង ) លេីជនរងគ្រោះឈ្មោះ ហឿន សុខរតណី នឹងត្រូវបញ្ជូនទៅ អយ្យការអមសាលាដំបូង ចាត់ការបន្តទោះបី អ្នកគ្រូពេទ្យប្រឹងលួងលោម ជនរងគ្រោះមកបញ្ចប់ហេីយក្ដី ។ បណ្ដឹងព្រហ្មទណ្ឌវមិនអាចបញ្ចប់ត្រឹមការព្រមព្រៀងគ្នាណាមួយនោះទេ គឺត្រូវបញ្ជូនសំណុំរឿងរួមទាំងវត្ថុតាងទៅ អយ្យការដេីម្បីចាត់ការបន្ត ។
លោកវរៈសេនីយ៍ នង សាប៊ុង ប្រធាននគរបាលប៉ុស្តិទួលសង្កែ១ បានបញ្ជាក់ប្រាប់ថា ករណីអ្នកគ្រូពេទ្យប្រេីហិង្សានោះលោក អធិការបញ្ជាអោយបញ្ជូនសំណុំរឿងទៅកាន់ តុលាការ គឺមិនអនុញ្ញាតិអោយសម្របសម្រួលគ្នាទេ ។
ដោយឡែកនៅព្រឹកនេះ លោក ម៉ៅ បូរ៉ែន ដែលអះអាងថាជាជនរងគ្រោះដោយសារ អ្នកគ្រូ អយ ឆវឌ្ឍនី ដែរនោះ បាន
អោយដឹងថាលោកបានដាក់ពាក្យសុំរូបមន្តអនុវត្តសាលក្រមស្ថាពរដែលលោកបានឈ្នះក្ដីជនជាប់ចោទ អយ ឆវឌ្ឍនី ។
អ្នកគ្រូពេទ្យ អយ ឆវឌ្ឍនី ត្រូវតុលាការសម្រេចផ្ដន្ទាទោសដាក់ពន្ធនាគារ រយៈពេល ១ឆ្នាំ តែទោសនេះត្រូវព្យួរ ពីបទ ហិង្សាដោយចេតនា ។ តាមការផ្ដន្ទាទោសនេះ បេីសំណុំរឿងថ្មីដែល អ្នកគ្រូពេទ្យ អយ ឆវឌ្ឍនី ប្រេីហឹង្សា ត្រូវបញ្ជូនទៅតុលាការនោះ នាងប្រឈមមុខនឹងការជាប់ពន្ធនាគារដោយស្វ័យប្រវត្តិ ព្រោះទោសព្យួររបស់ គាត់នៅជាធរមាននៅឡេីយ ទេ។
សូមបញ្ជាក់ជូនថា , សំណុំរឿង ករណី អ្នកគ្រូពេទ្យ អយ ឆវឌ្ឍនី ដែលប្រេីហឹង្សា ( ទះកំផ្លៀង ) លេីជនរងគ្រោះឈ្មោះ ហឿន សុខរតណី ត្រូវបានបញ្ចប់កាលពីល្ងាចថ្ងៃទី៤ ខែកញ្ញា ឆ្នាំ២០២៣ , ដោយយុវជនឈ្មោះ ហឿន សុខរតណី បានបញ្ជាក់ប្រាប់អង្គភាពមជ្ឈមណ្ឌលព័ត៌មាន”នគរវត្ត’ យ៉ាងដូច្នេះថា : រឿងខ្ញុំជាមួយអ្នកគ្រូពេទ្យនោះបានបញ្ចប់ហើយ គាត់អត់ទារសំណង់ពីខ្ញុំ ខ្ញុំក៏អត់ទារសំណង់ពីគាត់ សម្រេចថាមិនសងគ្នារៀងខ្លួន។
ក្រុមអ្នកច្បាប់បានលើកឡើងថា, សំណុំរឿងមួយនេះ មិនមែនត្រូវបានបញ្ចប់ ក្នុងដំណាក់កាលមន្ត្រីនគរបាលយុត្តិធម៌ឡើយ ទោះជាភាគីទាំងសងខាង ឯកភាពគ្នា ទទួលសំណង ឬមិនទទួល ក៏ស្ត្រីខាងលើ នៅជាប់បណ្ដឹងអាជ្ញា ។ ដូច្នេះមន្ត្រីនគរបាលយុត្តិធម៌ ត្រូវតែកសាងសំណុំរឿងបញ្ជូនទៅអយ្យការ ទោះផុតកំណត់ រយៈពេល៧ថ្ងៃ នៃបទល្មើសជាក់ស្ដែងក៏ដោយ គឹស្ត្រីម្ចាស់មន្ទីរពហុព្យាបាល និងសម្ភពឥន្ទ្រាក់ទី 1 គាត់មានតម្រុយពិរទ្ធភាព តាមរយៈអំពើប្រព្រឹត្តទះកំផ្លៀងប្រាំដៃ ទៅលើជនរងគ្រោះ បំបាត់វត្ថុតាងពីកន្លែងកើតហេតុ ឱ្យសន្តិសុខរបស់ខ្លួន យកវត្ថុតាង ម៉ូតូទៅចាក់សោទុក មានន័យថា, គាត់មានបទល្មើសព្រហ្មទណ្ឌ ។ ក្នុងនោះ ខ្លួនដើរតួជាមន្ត្រីនគរបាលចរាចរណ៍ផង ជាមន្ត្រីនគរបាលយុត្តិធម៌ផង ជាតំណាងអយ្យការផង នឺងជាជនដែលបានប្រព្រឹត្តបទល្មើសព្រហ្មទណ្ឌ ដោយគ្មានការរាងចោល ។ ដូច្នេះ បើអធិការនគរបាលខណ្ឌឬស្សីកែវ អ្វីដែលគាត់អះអាងថា, ការសម្របសម្រួលគ្នានោះ ទោះជាឯកភាពគ្នាក៏ដោយ សំណុំរឿងត្រូវតែបញ្ជូនទៅអយ្យការ។ ចាំមើលស្ត្រីខាងលើ គាត់មានវាសនាបែបណា សម្រាប់តាមផ្លូវតុលាការ ខណៈប្រទេសជាតិគ្រប់គ្រងដោយច្បាប់ ៕
ដោយ : រ៉ារ៉ា
