ភ្នំពេញ៖ ឧត្តមសេនីយ៍ឯកយោធាពាក់ផ្កាយ៣ម្នាក់ខណៈបេីករថយន្តសុខៗសង្ស័យមិនស្រួលខ្លួនក៏បានឈប់រថយន្តនៅចិញ្ចេីមផ្លូវអង្គុយស្លាប់នៅក្នុងរថយន្តបង្កការភ្ញាក់ផ្អេីលដល់អ្នកដំណេីរនិងអ្នកនៅម្តុំនោះកាលពីវេលាម៉ោង៤និង៣០នាទីរសៀលថ្ងៃទី៦ខែកញ្ញាឆ្នាំ២០២៣ នៅចំណុចមុខមន្ទីរពេទ្យសម្រាកព្យាបាលឯករាជ្យតាមបណ្តោយផ្លូវចោមចៅ ភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។
ជនរងគ្រោះត្រូវបានគេស្គាល់ឈ្មោះ សាំង អូន ជាយោធាឋានៈឧត្តមសេនីយ៍ឯក ពាក់ផ្កាយ៣ បេីករថយន្តរថយន្តម៉ាកRAV4 ពណ៌ស្ក ពាក់ស្លាកលេខភ្នំពេញ2X3545។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញជនរងគ្រោះបេីករថយន្តធ្វេីដំណេីរតាមបណ្តោយផ្លូវចោមចៅក្នុងទិសដៅពីលិចទៅកេីតខណៈមកដល់ចំណុចកេីតហេតុសង្ស័យមិនស្រួលខ្លួនក៏អែបរថយន្តឈប់នៅខាងមុខមន្ទីរពេទ្យឯករាជ្យ ហេីយក៏ដេកស្លាប់តែម្តង។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុហុំព័ទ្ធរងចាំជំនាញមកពិនិត្យជាក់ស្តែង៕ដោយ៖សុខាសែនជ័យ
