ភ្នំពេញ៖ បើតាមលោកឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានឱ្យដឹងនៅល្ងាចថ្ងៃទី១២ ខែកញ្ញា ឆ្នាំ២០២៣នេះថា៖ កម្លាំងនគរបាលទូទាំងប្រទេស បានធ្វើការត្រួតពិនិត្យ និងផាកពិន័យ យ៉ាងហោចណាស់ មានយានយន្តសរុបចំនួន ២៦៤គ្រឿងទៀត ក្នុងនោះមានម៉ូតូ ២៣៩គ្រឿង និងរថយន្ត ២៥គ្រឿង។
លោកឧត្តមសេនីយ៍ឯក ឆាយ គឹមខឿន បានគូសបញ្ជាក់ថា កម្លាំងនគរបាលចរាចរណ៍ទូទាំងប្រទេស នៅថ្ងៃទី១២ ខែកញ្ញានេះ បានត្រួតពិនិត្យ និងផាកពិន័យយានយន្តសរុបចំនួន ១,៥៤៧គ្រឿង ក្នុងនោះមានម៉ូតូ ១,៣១០គ្រឿង និងរថយន្តគ្រប់ប្រភេទ ២៣៧គ្រឿង។
បទល្មើសដែលត្រូវបានកត់សម្គាល់សម្រាប់ម៉ូតូរួមមាន៖ មួកជាដើម។ ដោយឡែករថយន្តរួមមាន៖ ល្មើសល្បឿន ស្រវឹង អត់ស្លាកលេខ និងល្មើសសញ្ញាជាដើម។
ជាមួយគ្នានេះ ករណីគ្រោះថ្នាក់ចរាចរណ៍នៅទូទាំងប្រទេសកម្ពុជា ក៏បានកើតឡើងចំនួន ០៨លើក ក្នុងនោះអ្នកស្លាប់ចំនួន ០៣នាក់ របួសចំនួន ២៣នាក់ (របួសធ្ងន់ចំនួន ១១នាក់)។ រយៈពេល ១២ថ្ងៃមានករណីគ្រោះថ្នាក់ចរាចរណ៍ចំនួន ១២៦លើក បណ្ដាលឱ្យមនុស្សស្លាប់ ៤៨នាក់ របួស ២៤០នាក់ (របួសធ្ងន់ ១១៩នាក់)។
បន្ថែមពីនេះ លោកឧត្តមសេនីយ៍ឯក ឆាយ គឹមខឿន ក៏បានថ្លែងអំណរគុណ និងកោតសរសើរដល់ជនរួមជាតិជាអ្នកប្រើប្រាស់ផ្លូវទាំងអស់ ដែលបានចូលរួមគោរពច្បាប់ចរាចរណ៍យ៉ាងល្អប្រសើររយៈពេលកន្លងមកនេះ ជាពិសេសកោតសរសើរ និងអរគុណដល់នគរបាលចរាចរណ៍ដែលបានលះបង់ និងខិតខំប្រឹងប្រែងជំរុញការរឹតបន្តឹងចរាចរណ៍ប្រកបដោយស្មារតី ទទួលខុសត្រូវខ្ពស់បំផុត៕ដោយ៖សហការី
