ភ្នំពេញ៖ បុរសម្នាក់មានវិបត្តិតូចចិត្តប្រពន្ធរត់ចោល មកធ្វើការនៅភ្នំពេញមិនឃេីញត្រលប់ទៅវិញ តូចចិត្តផឹកស្រាថ្នាំអស់មួយដបស្រវឹង ក៏លួចម៉ូតូពូ ជិះឌុបកូនប្រុសអាយុ៣ឆ្នាំមកលោតទឹកនៅស្ពានជ្រោយចង្វារ ផ្អេីលសមត្ថកិច្ចជួយអន្តរាគមន៍ឃាត់ទាន់ពេលវេលា។
ហេតុការណ៍នេះដែរបានកើតឡ
ឡេីងកាលពីវេលាម៉ោង១០:២០នាទីព្រឹកថ្ងៃទី១៨ ខែកញ្ញា ឆ្នាំ២០២៣ នៅលេីស្ពានជ្រោយចង្វាថ្មី សង្កាត់ស្រះចក ខណ្ឌដូនពេញ រាជធានីភ្នំពេញ ។
បុរសដែរជិះម៉ូតូឌុបកូនមកលោតទឹកនោះ មានឈ្មោះ ខុន អាយុ៣០ឆ្នាំ មុខរបរ កសិករ ចំណែកប្រពន្ធឈ្មោះ ទុំ ជាបុគ្គលិកហាង ស្នាក់នៅ ភូមិខ្ពប ឃុំខ្ពប ស្រុកស្អាង ខេត្តកណ្តាលទាំងពីរនាក់មានកូនប្រុស២នាក់ក្នុងបន្ទុកគ្រួសារ។
ប្រភពពីបុរសខាងលើបានប្រាប់អោយដឹងថា ប្រពន្ធរបស់គាត់បានចេញស្រុកមកធ្វេីការការនៅភ្នំពេញ ម្តុំ ផ្លូវOCIC ជ្រោយចង្វារ អស់រយៈពេលជិតមួយខែ មិនឃើញត្រលប់ទៅផ្ទះវិញទេ ។ ហេីយប្រពន្ធគាត់បាន ប្រាប់ថាមកធ្វេីជាបុគ្គលិកលាងចាន ប៉ុន្តែពេលគាត់សួរនាំអ្នកស្គាល់ ទេីបដឹងថាប្រពន្ធគាត់កុហក ដោយគាត់មិនដឹងថាធ្វើការអ្វីអោយពិតប្រាកដនោះទេ ។ ពេលគាត់ហៅប្រពន្ធត្រលប់ទៅផ្ទះវិញ ក៏ប្រពន្ធគាត់មិនព្រមត្រលប់មកវិញ និង ថែមទាំងផ្តាច់ការទាក់ទង ទូរស័ព្ទគាត់ក៏ទាក់ទងលងបាន ទេីបនៅថ្ងៃកេីតហេតុ គាត់បានផឹកស្រាថ្នាំអស់១ដប ស្រវឹងស្រឿងៗ ក៏លួចយកម៉ូតូ ម៉ាក ហុងដា គុប ស៊េរីចាស់ របស់ពូ ចតនៅមុខផ្ទះ ដឹកកូនប្រុសតូចអាយុ៣ឆ្នាំ គោលបំណងមកលោតទឹកសម្លាប់ខ្លួននៅលេីស្ពានជ្រោយចង្វា ។
សមត្ថកិច្ចបានប្រាប់អោយដឹងថាបន្ទាប់ពីទទួលដំណឹងពីប្រជាពលរដ្ឋរាយការណ៍ សមត្ថកិច្ចបានឡើងទៅកន្លែងកេីតហេតុ ក៏ឃេីញបុរសខាងលើ បម្រុងលេីកកូនប្រុសតូចអាយុ៣ឆ្នាំ ដែរមានរបួសរយៈកែងជេីងខាងស្តាំ លោតទឹកសម្លាប់ខ្លួន ភ្លាមៗនោះកម្លាំងសមត្ថកិច្ចនៃប៉ុស្តិ៍នគរបាលរដ្ឋស្រះចក បានចូលអន្តរាគមន៏ឃាត់ និង នាំចុះ មកខាងក្រោមគល់ស្ពានខាងកេីត ចំណុចរង្វង់ព្រហ្មមុខបួន ធ្វើការសួរនាំ ។
បន្ទាប់ពីស្តាប់មូលហេតុរបស់បុរសខាងលេីនោះរួចមក សមត្ថកិច្ចក៏បាននិយាយពន្យល់ ណែនាំ និង លេីកទឹកចិត្ត រហូតបុរសនោះយល់ និង សន្យាមិនធ្វើបែបនេះទៀតទេ ។ ហើយសមត្ថកិច្ចបានជូនលុយមួយចំនួនអោយបុរសខាងលើ ដេីម្បីទិញថ្នាំលាបរបួសជេីងកូន ប្រុសផងដែរ។
បច្ចុប្បន្នសមត្ថកិច្ចកំពុងតែធ្វើការទាក់ទងទៅរកសាច់ញាតិដើម្បីមកទទួលបុរសរូបនោះជាមួយនឹងកូនប្រុសអាយុ 3 ឆ្នាំនេះដើម្បីយកត្រឡប់ទៅផ្ទះវិញ៕
ដោយ៖ រ៉ារ៉ា
