ខ្មាន់កាំភ្លើងក្រុម IS បានសម្រុកចូលហាងការហ្វេដ៏ល្បីមួយនៅទីក្រុង Dhaka ប្រទេសបង់ក្លាឌែស ហើយចាប់ខ្លួនមនុស្សជាច្រើនធ្វើជាចំណាប់ខ្មាំងកាលពីយប់ថ្ងៃទី១ ខែកក្កដា ។
មន្ត្រីក្នុងតំបន់បានឲ្យដឹងថា ខ្មាន់កាំភ្លើងមានគ្នា៨ទៅ៩នាក់បានសម្រុកចូលហាងកាហ្វេង Holey Artisan Kakery ស្ថិតនៅក្នុងខណ្ឌ Gulshan បើកការបាញ់ប្រាហារហើរចាប់ខ្លួនចំណាប់ខ្មាំងជាច្រើន ដែលជាជនបរទេស។
ប៉ូលិសបង់ក្លាឌែសបានឲ្យដឹងថា ហេតុការបាញ់ប្រហារខាងលើបានកើតឡើងនៅវេលាម៉ោង៩និង២០នាទីយប់ថ្ងៃទី១ ខែកក្កដា ។
ប្រព័ន្ធផ្សព្វផ្សាយក្នុងតំបន់បានឲ្យដឹងថា ខ្មាន់កាំភ្លើងបានស្រែកខ្លាំងៗថា Allahu Akbar (ព្រះអទិទេព Allah ) ហើយបើកការបាញ់ប្រហារតែម្តង ។ ភាគីប៉ូលិស២នាក់បានស្លាប់និងជាង៣០នាក់រងរបួសក្នុងករប៉ះទង្គិចជាមួយខ្មាន់កាំភ្លើង។
ក្រោយការបាញ់ប្រហារភ្លាមៗក្រុម IS បានទទួលស្គាល់ថាខ្លួនបានបាញ់ប្រហារខាងលើ ។ IS បានប្រកាសនៅលើបណ្តាញ Amaq ថា ខ្មាន់កាំភ្លើងរបស់ខ្លួនបានវាយប្រហារទៅលើហាងការហ្វេ ដែលមានជនបរទេសជាច្រើននៅទីនោះ ហើយបានសម្លាប់មនុស្សជាង២០នាក់មកពីប្រទេសផ្សេងគ្នា ។ ប៉ុន្តែតួលេខរបួសនិងស្លាប់ពិតប្រាកដមិនទាន់បានប្រកាសនៅឡើយ។
កម្លាំងសន្តិសុខកំពុងតែព្យាយាមចចារជាមួយខ្មាន់កាំភ្លើងដើម្បីដោះលេងចំណាប់ខ្មាំងទាំងនោះ។ តាមរបាយការជាបឋមមានមនុស្ស២០នាក់ត្រូវបានគេចាប់ខ្លួនគឺជាជនបរទេស ក្នុងនោះមានជនជាតិអីតាលី ៧នាក់។
លោក Benazir Ahmed ស្នងការប៉ូលិសបានឲ្យដឹងថា «យើងចង់ដោះស្រាយបញ្ហាដោយសន្តិភាព ហើយយើងបានព្យាយាមចចាជាមួយខ្មាន់កាំភ្លើង។ អតិភាពដំបូងនោះគឺជួយដល់អាយុជីវិតចំណាប់ខ្មាំងទាំងអស់»។
បណ្តាញព័ត៌មាន BBC បានផ្សាយថា នេះជាលើកទីមួយហើយដែលជនបរទេសត្រូវចាប់ខ្លួនធ្វើជាចំណាប់ខ្មាំង នៅបង់ក្លាឌែស ។ រដ្ឋាភិបាលបង់ក្លាឌែសតែងតែច្រានចោលថា គ្មានវត្តមានរបស់ក្រុម IS នៅក្នុងប្រទេសរបស់លោកនោះឡើយ ប៉ុន្តែក្រោយការវាយប្រហារចាប់ខ្លួនចំណាប់ខ្មាំងខាងលើបញ្ចាក់យ៉ាងច្បាប់ពីការការពារសន្តិសុខធូរលំនិងក្រុម IS បានបង្កប់ខ្លួនជាច្រើននៅក្នុងប្រទេសនេះ៕
ប្រែសម្រួល៖ សាធី
