ភ្នំពេញ៖ យោងតាមរបាយការណ៍របស់អគ្គស្នងការដ្ឋាននគរបាលជាតិ នៅព្រឹកថ្ងៃទី២៦ ខែកញ្ញា ឆ្នាំ២០២៣នេះ បានឱ្យដឹងថា គ្រឿងញៀនបំផ្លាញអនាគតអ្នក និងក្រុមគ្រួសារអ្នក ! ខណៈជនសង្ស័យចំនួន ៤១នាក់ ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាបបទល្មើសគ្រឿងញៀនចំនួន ១៥ករណី ទូទាំងប្រទេសនៅថ្ងៃទី២៥ ខែកញ្ញាម្សិលមិញនេះ។
របាយការណ៍ដដែលបន្តថា ក្នុងចំណោមជនសង្ស័យចំនួន ៤១នាក់ រួមមាន៖ ជួញដូរ ១ករណី ឃាត់ ២នាក់ ,ដឹកជញ្ជូន រក្សាទុក ៨ករណី ឃាត់ ២៥នាក់ និងប្រើប្រាស់ ៦ករណី ឃាត់ ១៤នាក់ ។
ដោយឡែកវត្ថុតាងដែលចាប់យកសរុបក្នុងថ្ងៃទី២៥ ខែកញ្ញា រួមមាន៖ មេតំហ្វេតាមីន(Ice) ស្មេីនិង ៣៤៣,២៤ក្រាម និង៣៩កញ្ចប់តូច និងមេតំហ្វេតាមីន(Wy) ស្មេីនិង ៣,៨៧ក្រាម។
ក្នុងប្រតិបត្តិការនោះជាលទ្ធផលខាងលើ ៧អង្គភាព បានចូលរួមបង្ក្រាប មានដូចខាងក្រោម៖
កម្លាំងនគរបាលជាតិ ៖ ៧អង្គភាព
*១ / មន្ទីរ៖ ប្រើប្រាស់ ៤ករណី ឃាត់ ១១នាក់។
*២ / បាត់ដំបង៖ រក្សាទុក ២ករណី ឃាត់ ២នាក់ ប្រើប្រាស់ ១ករណី ឃាត់ ១នាក់ ចាប់យកIce ២,៣២ក្រាម។
*៣ / កំពង់ឆ្នាំង៖ រក្សាទុក ១ករណី ឃាត់ ៧នាក់ ចាប់យកIce ៣០កញ្ចប់តូច និងWy ៣,៨៧ក្រាម។
*៤ / កំពង់ធំ៖ ប្រើប្រាស់ ១ករណី ឃាត់ ២នាក់។
*៥ / រាជធានីភ្នំពេញ៖ ជួញដូរ ១ករណី ឃាត់ ២នាក់ រក្សាទុក ២ករណី ឃាត់ ៤នាក់ ចាប់យកIce ៣៤០,៩២ក្រាម។
*៦ / រតនគិរី៖ រក្សាទុក ១ករណី ឃាត់ ៨នាក់ ចាប់យកIce ៦កញ្ចប់តូច។
*៧ / ត្បូងឃ្មុំ៖ រក្សាទុក ២ករណី ឃាត់ ៤នាក់ ចាប់យកIce ៣កញ្ចប់តូច៕
ដោយ៖សហការី
