ក្រុម Leicester City ម្ចាស់ជើងឯកអង់ គ្លេស Premier League ឆ្នាំ២០១៦បានចុះកុងត្រាលើកិច្ចសន្យារយៈពេល៤ឆ្នាំទិញខ្សែបម្រើសញ្ជាតិបារាំងNampalys Mendy ពីក្រុម Nice ។

កីឡាករវ័យ២៤ឆ្នាំ Nampalys Mendy ធ្លាប់លេងនៅក្នុងក្រុម Monaco ក្រោមការ ដឹកនាំរបស់គ្រូបង្វឹកអុីតាលី Claudio Ranieri ម្តងរួចមកហើយ ។ Mendy បានផ្លាស់ មកលេងឲ្យក្រុម Nice កាលពីឆ្នាំ២០១៣ហើយបង្ហាញខ្លួនចំនួន១១០ប្រកួតឲ្យក្រុមមួយនេះ ។

Mendy បាននិយាយថា គាត់ស្គាល់គ្រូ បង្វឹក Claudio Ranieri ច្បាស់ណាស់ពិសេស គឺរបៀបដឹកនាំនិងគោលការណ៍របស់ គាត់។ Mendy លេងឲ្យក្រុម Nice គ្រប់ការប្រកួតទាំងអស់កាលពីរដូវកាលមុនជួយក្រុមនេះឈរលំដាប់លេខ៤នៅក្របខ័ណ្ឌកំពូលរបស់បារាំង៕

ដោយ៖ ដេវីត