ខេត្តកំពង់ស្ពឺ ៖ យ៉ាងហោចណាស់ក៍មានមនុស្ស១៤នាក់បានរងរបួសធ្ងន់ស្រាល និងបណ្តាលឲ្យម្នាក់បានស្លាប់ក្នុងករណីគ្រោះថ្នាក់ចរាចរណ៍ដ៏រន្ធត់លេីកំណាត់ផ្លូវជាតិលេខ៤ ចំណោទយាយម៉ៅពេជ្រនិល ចន្លោះ គីឡូម៉ែត្រលេខ ១០៣-១០៤ ស្ថិតនៅភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្ដកំពង់ស្ពឺ នារសៀលថ្ងៃអង្គារ ១១រោច ខែភទ្របទ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី១០ ខែតុលា ឆ្នាំ២០២៣នេះ ។
គ្រោះថ្នាក់ចរាចរណ៍នេះបង្កឡេីងដោយរថយន្ដ ០២គ្រឿង បេីកបរបញ្រ្ចាសទិសគ្នា[ មួយគ្រឿងរថយន្ដទេសចរណ៍សាំយ៉ុង ១៥កៅអី និងរថយន្ដសណ្ដោងសុឺមីរុឺម៉ក ដឹកថ្មខ្សាច់]
តាមសេចក្ដីរាយការណ៍ពី សមត្ថកិច្ចនគរបាល ថារថយន្ដសុឺមីរុឺម៉ក ក្នុងទិសដៅពីភ្នំពេញ ឆ្ពោះទៅខេត្តព្រះសីហនុ
រថយន្តសាំយ៉ុង ក្នុងទិសដៅពីខេត្ដព្រះសីហនុ មករាជធានី ភ្នំពេញ
សមត្ថកិច្ចនគរបាលកំពុងចុះអន្ដរាគមន៍ សម្របសម្រួលសណ្ដាប់ធ្នាប់ចរាចរណ៍នៅទីតាំងកេីតហេតុ ៕ដោយ ស សម
