ភ្នំពេញ ៖ កម្លាំងជំនាញព្រហ្មទណ្ឌ នៃអធិការដ្ឋាននគរបាលខណ្ឌដង្កោ បានធ្វេីការស្រាវជ្រាវឃាត់ខ្លួនជនសង្ស័យចំនួន០៣នាក់នៅចំណុច០២ទីតាំងផ្សេងគ្នា ពាក់ព័ន្ធករណីកាច់សោរកម៉ូតូ , ប៉ុនប៉ងលួចនិងរក្សាទុកដោយខុសច្បាប់នូវសារធាតុញៀន ។ នេះបេីយោងតាមរបាយការណ៍របស់មន្ត្រីនគរបាលខណ្ឌដង្កោ ដែលក្រុមការងារកាសែតនគរវត្ត ទេីបទទួលបាននៅព្រលប់ថ្ងៃទី១៦ ខែតុលា ឆ្នាំ២០២៣ ។
គួរបញ្ជាក់ថា ជនសង្ស័យទាំង៣នាក់ដែលសមត្ថកិច្ចឃាត់ខ្លួនបាននោះរួមមាន ៖ ករណីទី០១ លួច (កាច់សោរកម៉ូតូ) កាលពីថ្ងៃទី១៣ ខែតុលា ឆ្នាំ២០២៣ វេលាម៉ោង០៣និង៥០នាទី ត្រង់ចំណុចហាង កោសជប់ ម៉ាស្សា យីហោ ព្រះច័ន្ទញញឹម១៩៩ ផ្លូវ៣៧១ ស្ថិតនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។
ជនរងគ្រោះឈ្មោះ រិន មីឃ័រ ភេទប្រុស អាយុ២៧ឆ្នាំ ជនជាតិខ្មែរ មុខរបរលក់ដូរ មានទីលំនៅ ភូមិឬស្សី សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។ ចំណែកជនសង្ស័យចំនួន០១នាក់ មានឈ្មោះ ណុប សម្បត្តិ ភេទប្រុស អាយុ៣៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះគេទុកចោលគ្មានលេខ ផ្លូវ៣៧១ ភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ជនសង្ស័យមានសារធាតុញៀន) ឃាត់ខ្លួននៅថ្ងៃទី១៣ ខែតុលា ឆ្នាំ២០២៣ វេលាម៉ោង០៧និង០០នាទី នៅចំណុច ដីឡូគ្មានលេខ ផ្លូវបេតុង ភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។ និងសម្ភារៈខូចខាតបាត់បង់៖ ១/ម៉ូតូម៉ាក ហុងដាឌ្រីម សេ១២៥ ពណ៍ខ្មៅ ពាក់ស្លាកលេខ ព្រៃវែង ១E-៨៤១០ លេខតួនិងលេខម៉ាសុីន ៩៨៨៥៤៦៨ ចំនួន០១គ្រឿង។
ករណីទី០២ ប៉ុនប៉ងលួច និងរក្សាទុកដោយខុសច្បាប់នូវសារធាតុញៀន កាលពីថ្ងៃទី១៤ ខែតុលា ឆ្នាំ២០២៣ វេលាម៉ោង១៤និង៣០នាទី ត្រង់ចំណុចបុរីពិភពថ្មីចំការដូង ផ្លូវលេខ៧ ស្ថិតនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។ ឃាត់ខ្លួនជនសង្ស័យចំនួន០២នាក់ទី១ឈ្មោះ ណន ពិសី ហៅ សីហា ភេទប្រុស អាយុ២២ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅភូមិលូប្រាំ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ទី២ឈ្មោះ ធី ថុនា ភេទប្រុស អាយុ១៨ឆ្នាំ ស្នាក់នៅបន្ទប់ជួល ស្ថិតនៅភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ (ជនសង្ស័យទាំង០២នាក់មានសារធាតុញៀន)។នៅថ្ងៃទី១៤ ខែតុលា ឆ្នាំ២០២៣ វេលាម៉ោង១៤និង៣០នាទី ត្រង់ចំណុចបុរីពិភពថ្មីចំការដូង ផ្លូវលេខ៧ ស្ថិតនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។ ក្នុងនោះមានវត្ថុតាងចាប់យក៖ ១/ដែកជ្រុងចុងសំប៉ែតស្រួចចំនួន០១ ២/ក្រាមពណ៌សថ្លាចំនួន០៦កញ្ចប់ថង់តូច ៣/ម៉ូតូម៉ាក ស៊ុយស៊ូគីនិច ពណ៌ស ពាក់ផ្លាកលេខភ្នំពេញ 1BY-5766 មានលេខតួនិងលេខម៉ាស៊ីន៣៤១៩៤៥ ចំនួន០១គ្រឿង ។
បច្ចុប្បន្ននេះ ជនសង្ស័យចំនួន០៣នាក់ខាងលេីកំពុងឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌដង្កោ ដេីម្បីកសាងសំណុំរឿងបញ្ជូន ទៅតុលាការ ចាត់ការតាមច្បាប់ ៕ ដោយ ៖ ភារ៉ា ដង្កោ
